काठमाडौं । ओपनर शुभमन गिल तथा साई सुदर्शनको शतकको सहयोगमा १७ औं संस्करणको इन्डियन प्रिमियर लिग (आइपीएल) को ५९ औं खेलमा गुजरात टाइटन्सले चेन्नई सुपर किंग्सलाई २ सय ३२ रनको लक्ष्य दिएको छ ।
गुजरातको घरेलु मैदान नरेन्द्र मोदी क्रिकेट स्टेडियममा टस हारेर पहिले ब्याटिङ गरेको घरेलु टोलीले निर्धारित २० ओभरमा ३ विकेट गुमाई २ सय ३१ रन बनायो ।
गुजरातका लागि ओपनर गिल तथा सुदर्शनले शतकीय ईनिङ खेले । ओपनर तथा कप्तान गिलले ५५ बलमा ९ चौका र ६ छक्काको सहयोगमा १ सय ४ रनको शतकीय ईनिङ खेले । अर्का ओपनर सुदर्शनले ५१ बलमा ५ चौका र ७ छक्काको सहयोगमा १ सय ३ रनको शतकीय ईनिङ खेले ।
पहिलो विकेटका लागि गिल र सुदर्शनले २ सय १० रनको दोहोरो शतकीय साझेदारी गरे । चेन्नईका लागि तुसार देशपान्डेले २ विकेट लिए ।
