लोकेश जोशी / धनगढी
मैयाँदेवी स्मृति राष्ट्रिय महिला यू १९ क्रिकेट प्रतियोगितामा लुम्बिनी प्रदेशले पहिलो जित निकालेको छ । लुम्बिनी प्रदेशले मंगलबार भएको आफ्नो तेश्रो खेलमा कर्णाली प्रदेशविरूद्ध ३३ रनको फराकिलो जित निकाल्दै समूह बीको उपविजेताको रूपमा प्रतियोगिता सेमिफाइनल प्रवेश गर्न पनि सफल भएको छ।
प्रतियोगिताको पाँचौं दिनको दोश्रो खेलमा लुम्बिनी प्रदेशले टस जितेर ब्याटिङ गर्ने निर्णय लिएको हो। फलस्वरूप, निधारित २० ओभरमा ७ विकेट गुमाउदै १११ रन बनाउन सफल भयो । ब्याटिङतर्फ, लुम्बिनी प्रदेशका लागि एन्जि पाठकले सर्वाधिक ३७ रन बनाउनेक्रममा ४६ बल खेल्दा कप्तान आश्मा पुलामीमगरले पनि महत्त्वपूर्ण १६ रन बनाउनेक्रममा ३० खेल्नुबाहेक अन्य ब्याटरले दोहोरो रन अंक छुन सकिनन। बलिङतर्फ, कर्णाली प्रदेशका लागि सर्वाधिक ३ विकेट लिनेक्रममा ४ ओभर बलिङ गर्दै १ मेडेनसहित १४ रन खर्चँदा बिना थापाले पनि महत्त्वपूर्ण २ विकेट लिनेक्रममा ४ ओभर बलिङ गर्दै १७ रन खर्चिनपुगिन।
११२ रनको बिजयी लक्ष्य पछ्याउँदै मैदान उत्रेको कर्णाली प्रदेशले निर्धारित २० ओभरको खेलमा १६ ओभर खेल्दै सम्पुर्ण विकेट गुमाउदै मात्र ७८ रन बनाउँदा खेल ३३ रनले गुमाउनपुग्दै प्रतियोगितामा लगातार तेश्रो पराजयसङ्गै बाहिरिनपुग्यो। ब्याटिङतर्फ, कर्णाली प्रदेशका लागि रश्मि खड्काले सर्वाधिक २१ रनको महत्त्वपूर्ण पारी खेल्नेक्रममा १९ बल खेल्नुबाहेक अन्य ब्याटरले दोहोरो रन अंक छुन नसक्दा टोलिले पराजय बेहोर्नुपरेको कप्तान किरन कुँवरले बताइन।बलिङतर्फ, लुम्बिनी प्रदेशका लागि सरु तिवारीले सर्वाधिक ४ विकेट लिनेक्रममा ४ ओभर बलिङ गर्दै १३ रन खर्चँदा सुश्मिता भुषालले पनि महत्त्वपूर्ण २ विकेट लिनेक्रममा ४ ओभर बलिङ गर्दै १० रन खर्चिदै आफ्नो टोलिलाइ पहिलो दिलाउन सफल हुँदै प्रतियोगिता सेमिफाइनल प्रवेश गराउन पनि सफल भइन।
प्रतियोगिताको पाँचौं दिनको दोश्रो खेलमा प्लेयर अफ दी म्याच लुम्बिनी प्रदेशकि एन्जि पाठक घोषित हुन सफल हुँदै नगद १७०० तथा आकर्षक ट्रफी हात पार्न पनि सफल भएकी छिन।
प्रथम मैय्यादेवी स्मृति यू-१९ महिला राष्ट्रिय क्रिकेट प्रतियोगिता-२०८० को सेमिफाइनल खेलहरुमा पहिलो सेमिफाइनल खेल भोलि बिहान ठिक ०९:३० बजे समूह ए को विजेता गण्डकी र समूह बीको उपविजेता लुम्बिनी तथा दोश्रो सेमिफाइनल खेल दिउँसो ठिक ०१:३० बजे समूह बीको विजेता बाग्मती र समूह ए को उपविजेता सुदुरपश्चिम प्रदेशबीच चितवन जिल्ला को गौतम बुद्ध अन्तर्राष्ट्रिय क्रिकेट रंगशालामा हुने प्रतियोगिता निर्देशक अनिल अधिकारीले बताए।
लोकतान्त्रिक खेलकुद संघ चितवनको आयोजना तथा नेपाल क्रिकेट संघको सहकार्यमा यहि माघ १२ गतेदेखि गौतम बुद्ध अन्तर्राष्ट्रिय क्रिकेट मैदानमा सञ्चालन भएको प्रतियोगितामा सातै प्रदेशका महिला यू-१९ टोलि सहभागी रहेका छन।
