सुवास ऐरको अलराउन्ड प्रदर्शन, प्रदेश २ र सुदूरपश्चिम फाइनलमा भिड्ने

  • विकेटनेपाल, बैशाख २३ – सोमबार

काठमाडौंमा जारि मनमोहन स्मृति प्रदेश स्तरीय यु१६ राष्ट्रिय क्रिकेट प्रतियोगिताको उपाधीको लागि सुदुरपश्चिम प्रदेश र प्रदेश २ प्रतिस्पर्धा गर्ने भएका छन्।

आज सम्पन्न सेमिफाइनल खेलहरुमा प्रदेश-७ ले प्रदेश-१ लाई ३० रनले तथा प्रदेश-२ ले प्रदेश-३ लाई ४ विकेटले पराजित गर्दै फाइनलमा स्थान पक्का गरेका हुन्। फाइनल खेल मंगलबार खेलिनेछ।

कप्तान सुवास ऐरको अलराउण्ड प्रदर्शनमा प्रदेश ७ विजयी

पहिलो सेमिफाइनलमा प्रदेश ७ लाई जित दिलाउनको लागि प्लेयर अफ द म्याच भएका कप्तान सुवास ऐरले ४३ रनको पारि खेल्नुको साथै बलिंगतर्फ समेत ४ विकेट लिए। ४१ बलको सामना गरेका उनले ७ चौका प्रहार गरेपछि प्रदेश ७ ले ३० ओभरमा ९ विकेट गुमाएर १६५ रनको योगफल तयार पार्यो।

यस्तै आशिस भट्टले अविजित २६ रन (३२ बल, १ चौका) बनाउँदा धिरेन्द्र ठाकुरले २५ (२६ बल, २ चौका), सन्दिप बिस्टले २२ (३१ बल, २ चौका) र अनिल थापाले २० रन (२५ बल) बनाउनु बाहेक अन्य खेलाडीले दोहोरो अंक छुन सकेनन्। बलिंगतर्फ प्रदेश १ का सर्वन किस्कुले ३ विकेट (६-०-३२-३), बिपिन महतोले २ विकेट (६-०-३२-२) र अमित रोएले १ विकेट (५-०-२६-१) लिंदा ३ खेलाडी रन आउट भए।

Suwash Ayer ( File Photo ) 

जवाफमा सुवास ऐरले ५.२ ओभरमा २ मेडन राख्दै २२ रन खर्चिएर ४ विकेट लिएपछि प्रदेश १ ले २५.२ ओभरमा सबै विकेट गुमाएर मात्र १३५ रन बनाउन सक्यो। उसका लाइ सुमन सुन्दासले ३५ बलमा ६ चौका सहित ४४ रन र आइन्स्टाइन रिजालले ४४ बलमा १ चौका सहित ३१ रन हान्दै दोश्रो विकेटको लागि ६३ रनको साझेदारी गरेपनि जितको लागि पर्याप्त भएन। यस्तै सिमरन राइले २१ बलमा ४ चौका सहित २७ रन हानेपनि अन्य खेलाडीले दोहोरो अंक छुन सकेनन्।

मेघराज महराको ब्याटिंगमा प्रदेश २ को जित

किर्तिपुर मैदानमा जितको लागि प्रदेश ३ ले प्रस्तुत गरेको १२२ रनको लक्ष्य प्रदेश २ ले २५ ओभरमा ८ विकेट गुमाएर पुरा गर्यो। उसका लागि प्लेयर अफ द म्याच घोषित मेघराज महोराले अविजित ४७ (६४ बल, ५ चौका) तथा कप्तान निखिल सिंहले ३२ रन (३३ बल, २ चौका, २ छक्का) बनाउंदै तेस्रो विकेटको लागि ५५ रनको साझेदारी गरे। यस्तै ओपनर रोहन बिकेले १२ बलमा ५ चौका सहित २१ रन बनाए। बलिंगमा प्रदेश ३ का कृष कार्की र तिलक भण्डारीले समान २/२ विकेट लिए।

मेघराज महरा

यसअघि टस जितेर पहिले ब्याटिंग गरेको प्रदेश ३ ले ३० ओभरमा ९ विकेट गुमाएर १२१ रन बनाएको थियो। आशिष भट्टराईले २७ रन र प्रसान्त महतले २२ रन बनाएपनि अन्य खेलाडीको प्रदर्शन सम्झनलायन रहेन। बलिंगतर्फ प्रदेश २ का शेख इमरान र अरबाज अन्सारीले समान २/२ विकेट लिएका थिए।

मनमोहन मेमोरियल क्रिकेट सेन्टरले आयोजना गरेको प्रतियोगिताको विजेता टोलीले ५ लाख प्राप्त गर्नेछ। विजेताले २ लाख ५० हजार नगद साथै २ लाख ५० हजारको खेलकुद सामग्री प्राप्त गर्ने आयोजकले जनाएको छ। त्यस्तै उप विजेता टोलीले १ लाख २५ हजार नगद र सो सरहको खेलकुद सामग्री पाउने आयोजकले जनाएको छ।





थप समाचार

आइपीएल च्याम्पियन बन्ने यात्रा…

काठमाडौं । १७ औं संस्करणको इन्डियन प्रिमियर लिग (आइपीएल) को प्लेअफ समिकरण पूरा भएको छ । १० टोली सहभागी लिगमा […]

कोलकाता र राजस्थानले अंक बाडे, हैदराबादले पहिलो क्वालिफायर खेल्ने

काठमाडौं । १७ औं संस्करणको इन्डियन प्रिमियर लिग (आइपीएल) को समूह चरणको अन्तिम खेल वर्षाका कारण रद्द भएको छ । […]

पञ्जाबलाई हराउँदै हैदराबाद दोस्रो स्थानमा

काठमाडौं । १७ औं संस्करणको इन्डियन प्रिमियर लिग (आइपीएल) मा समूह चरणको आफ्नो अन्तिम खेलमा पञ्जाब किंग्समाथि जित निकाल्दै सनराईजर्स […]

उपत्यकाव्यापी टी-२० क्रिकेट प्रतियोगिता जेठ दोस्रो साताबाट

काठमाडौं । एनसीसीएस उपत्यकाव्यापी महिला तथा पुरुष टी-२० क्रिकेट प्रतियोगिता जेठ दोस्रो सातादेखि हुने भएको छ। भक्तपुर जिल्ला क्रिकेट संघको […]

विश्वकपमा नेपालको समूहमा रहेका टोली यस्ता..

काठमाडौं । नेपालले आगामी जुनमा अमेरिका र वेस्ट इन्डिजमा संयुक्त रुपमा आयोजना हुने टी-२० नवौं संस्करणको विश्वकपमा सहभागीता जनाउदै छ […]

चेन्नईलाई हराउँदै बेंगलुरु प्लेअफमा, आइपीएलको प्लेअफ समिकरण पूरा

काठमाडौं । १७ औं संस्करणको इन्डियन प्रिमियर लिग (आइपीएल) को प्लेअफ समिकरण पूरा भएको छ । चेन्नाई सुपर किंग्सलाई पराजित […]