इंग्ल्यान्डविरुद्धको तेस्रो ओडिआईमा अस्ट्रेलिया पराजित भएको छ । मंगलवार राती भएको खेलमा इङ्ग्ल्यान्डले डिएलएस पद्दतीमा ४६ रनको जित हात पार्यो ।
अस्ट्रेलिया ५ खेलको ओडिआई सिरिजका लागि इंग्ल्यान्ड भ्रमणमा छ । यो खेलमा जितसँगै घरेलु टोलीले सिरिज २-१ मा पुर्याएको छ ।
रिभरसाइड क्रिकेट मैदान डुरममा पाहुना टोलीले दिएको ३ सय ५ रनको लक्ष्य पछ्याएर घरेलु टोलीले ३७.४ ओभरको ४ विकेट गुमाएर २ सय ५४ रन बनाएको अबस्थामा बर्षा सुरु भएको थियो । निरन्तरको वर्षाका कारण खेल सुचारु हुन नसकेपछि घरेलु टोली डिएलएस पद्धतीमा ४६ रनले विजयी भयो ।
घरेलु टोलीको जितमा कप्तान ह्यारी ब्रुकले ९४ बलमा १३ चौका र २ छक्काको सहयोगमा नट आउट १ सय १० रनको शतकीय ईनिङ खेले । विल ज्याक्सले ८२ बलमा ८४ तथा लियम लिविगंस्टोन २० बलमा ३३ रनमा नट आउट रहे ।
पाहुना टोलीका लागि मिचेल स्टार्क र क्यामरुन ग्रीनले समान २ विकेट लिए ।
त्यसअघि टस हारेर ब्याटिङको गरेको पाहुना टोलीले निर्धारित ५० ओभरमा ७ विकेट गुमाएर ३ सय ४ रनको बनाएको थियो ।
पाहुना टोलीका लागि एलेक्स केरीले ६५ बलमा नट आउट रहदै सर्वाधिक ७७ रन बनाए । स्टिभ स्मिथले ८२ बलमा ६०, आरोन हार्डीले २६ बलमा ४४, क्यामरुन ग्रीनले ४९ बलमा ४२, ग्लेन म्याक्सवेलले २५ बलमा ३० तथा कप्तान मिचेल मार्शले ३८ बलमा २४ रन जोडेका थिए ।
घरेलु टोलीका लागि जोफ्रा आर्चरले २ तथा ब्याडन कार्स, जोकेब बेथहेल, विल ज्याक्स र लियम लिविगंस्टोनले समान १ विकेट लिए ।
दुई टोलीबीचको तस्रो ओडिआई खेल शुक्रवार रहेको छ ।
