काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपको २४ औं खेलमा अस्ट्रेलियाले नामिबियालाई ७२ रनमा अल आउट गरेको छ ।
वेस्ट इन्डिजको एन्टिगुवामा टस हारेर पहिले ब्याटिङ गरेको नामिबिया १७ औं ओभरको अन्तिम बलमा ७२ रन बनाउँदै अल आउट भयो ।
नामिबियाका लागि कप्तान ग्रेहार्ड इरास्मसले ४३ बलमा ३६ तथा ओपनर मिचेल भान लिगेनले १० बलमा १० रन बनाए । नामिबियाका अन्य ब्याटरले दोहोरो अंकमा रन जोड्न सकेनन् ।
अस्ट्रेलियाका लागि एडम जाम्पाले चार तथा मार्कस स्टाइनेस र जस हेजलवुडले समान दुई दुई विकेट लिए ।
ओमान र इंग्ल्यान्डलाई हराउँदै सुखद सुरुआत गरेको अस्ट्रेलिया नामिबियालाई पराजित गरी सुपर एटमा स्थान पक्का गर्न चाहन्छ । नामिबिया भने अस्ट्रेलियालाई हराउँदै सुपर एटको सम्भावना जिवित राख्न चाहन्छ ।
