काठमाडौं । नेपालले आयरल्याण्ड वुल्भ्ससँग दुई खेलको टी-ट्वान्टी सिरिजको पहिलो खेल सोमबार खेल्दैछ ।
खेल दिउँसो १ बजे टियु क्रिकेट मैदान कीर्तिपुरमा हुदैछ । पहिलो पटक नेपाल भ्रमणमा आएको आयरल्याण्डको टोलीविरुद्ध जितका साथ सुरुआत गर्ने लक्ष्यमा नेपाल रहेको छ ।
आयरल्याण्डविरुद्ध ऐतिहासिक जित निकाल्न नेपालले आफ्नो बलियो प्लेईङ-११ खेलाउने छ ।
ओपनरमा नियमित ओपनर कुशल भुर्तेल र आसिफ शेखले निरन्तरता पाउने सम्भावना छ । केही साता अघि भएको हङकङ भ्रमणका क्रममा टिममा नरहेका आसिफले यस खेलमा मौका पाउने सम्भावना छ । तेस्रो नम्बरमा कप्तान रोहितकुमार पौडेल रहने सम्भावना छ । चौथो नम्बरमा दीपेन्द्रसिंह ऐरीले मौका पाउने सम्भावना छ ।
पाँचौ नम्बरमा सन्दीप जोराले मौका पाउने सम्भावना छ । छैठौं नम्बरमा कुशल मल्लले मौका पाउने सम्भावना छ । सातौ नम्बरमा गुलसन झाले मौका पाउने सम्भावना छ । आठौं नम्बरमा करण केसीको सम्भावना रहेको छ ।
नवौं नम्बरमा सोमपाल कामीले स्थान बनाउने सम्भावना छ । दशौं नम्बरमा ललितनारायण राजवंशीले मौका पाउने सम्भावना छ । एघारौं नम्बरमा आकाश चन्दको सम्भावना छ ।
नेपालको सम्भावित प्लेईङ-११
कुशल भुर्तेल, आसिफ शेख(विकेटकिपर), रोहितकुमार पौडेल(कप्तान), दीपेन्द्रसिंह ऐरी, सन्दीप जोरा, कुशल मल्ल, गुलसन झा, करण केसी, सोमपाल कामी, ललितनारायण राजवंशी र आकाश चन्द ।
