काठमाडौं । ललितपुरमा जारि एघारौं संस्करणको ‘नेपाल चार्टर्ड एकाउन्टेन्ट विद्यार्थी संगठन’ इन्टर फर्म क्रिकेट प्रतियोगिता’ अन्तर्गत तेस्रो दिनको खेलहरुमा एसएसए एसोसिएट्स, मिसहाल एसोसिएसन, सुब्रत एस एण्ड एसोसिएट्स र एचबीए विजयी भएका छन्।
पुल्चोक इन्जिनियरिङ मैदानमा जारि प्रतियोगिता अन्तर्गत आज पहिलो खेलमा एसएसए एसोसिएट्सले जेबीराज भण्डारीलाई ४३ रनले पराजित गर्यो। एसएसएले दिएको ८० रनको लक्ष्य पछ्याएको जेबीले ९ दशमलब ४ ओभरमा ३७ रनमा अल आउट भयो। प्लेयर अफ द म्याच घोषित फैसन खानलले ३२ रन बनाए।
आजको दोश्रो खेलमा सुब्रत एस एसोसिएसट्सले एबीएस एसोसिएट्सलाई ६७ रनले पराजित गर्यो। सुब्रतले दिएको १ सय ९ रनको लक्ष्य पछ्याएको एबीएसले ५ विकेट गुमाएर ४२ रन मात्र बनायो । प्लेयर अफ द म्याच घोषित सुब्रत सापकोटाले अविजित ५९ रन बनाए ।
आजको तेश्रो खेलमा मिसाल एसोसिएट्सले शंकर एसोसिएट्सलाई १७ रनले पराजित गर्यो। मिसालले दिएको ७८ रनको लक्ष्य पछ्याएको शंकर एसोसिएट्सले ७ विकेट गुमाएर ६० रन मात्र बनायो । मात्र ८ रन खर्चेर ३ विकेट लिएका सुमन उप्रेती प्लेयर अफ द म्याच घोषित भए।
आजको चौंथो तथा अन्तिम खेलमा एचबीएले एसपीएसएलाई ६६ रनले पराजित गर्यो। एचबीएले दिएको १ सय २ रनको लक्ष्य पछ्याएको एसपीएसएले ३४ रन मात्र बनाउन सक्यो। १ रन खर्चेर २ विकेट लिएका हर्षल भण्डारी प्लेयर अफ द म्याच घोषित भए।
नेपाल चार्टर्ड एकाउन्टेन्ट विद्यार्थी संगठनले आयोजना गेरको प्रतियोगिता ९ दिन सम्म चल्नेछ।
प्रतियोगितामा कुल २१ टिमको सहभागिता रहेको छ जसलाई ७ समुहमा बिभाजन गरिएको छ।
बिक्रम संवत् २०६० मा स्थापना भएको नेपाल चार्टर्ड एकाउन्टेन्ट विद्यार्थी संगठनले आफ्ना बिभिन्न कार्यक्रम अन्तर्गत नियमित क्रिकेट प्रतियोगिता आयोजना गर्दै आएको छ।
