काठमाडौं । क्यानडा त्रिकोणात्मक टि ट्वान्टी सिरिजमा सिरिजमा आज नेपालले घरेलु टोलीसँग खैल्दैछ । नेपालको खेल किंग सिटीमा मंगलवार राति ९ः४५ बजे हुनेछ ।
आइतवार भएको सिरिजको पहिलो खेलमा नेपाल क्यानडासँग १४ रनले पराजित भएको थियो । पहिलो खेलमा क्यानडाले दिएको १ सय २४ रनको लक्ष्य पछ्याएको नेपाल १९ ओभरमा १ सय ९ रन बनाउँदै अल आउट भएको थियो ।
दोस्रो खेलमा भने नेपालले ओमानमाथि जित हासिल गरेको थियो । नेपालले जितका लागि दिएको १ सय ७७ रनको चुनौतीपुर्ण लक्ष्य पछ्याएको ओमान १९.१ ओभरमा १ सय ३९ रन बनाउँदै अल आउट भएको थियो ।
क्यानडाले पहिलो खेलमा नेपाललाई पराजित गरेकोमा मंगलवार बिहान सकिएको खेलमा भने ओमानसँग पराजित भएको थियो । दुवै टोली सिरिजमा दोस्रो जितको खोजीमा रहेका छन् । नेपालले चौथो खेलमा बुधवार ओमानको सामना गर्नेछ ।
