काठमाडौं । १७ औं संस्करणको इन्डियन प्रिमियर लिग(आइपीएल)को ४३ औं खेलमा दिल्ली क्यापिटल्सले मुम्बई इन्डियन्सलाई पराजित गरेको छ ।
घरेलु मैदान अरुण जेट्ली क्रिकेट स्टेडियममा भएको खेलमा दिल्ली १० रनले विजयी भयो ।
दिल्लीले दिएको २ सय ५८ रनको लक्ष्य पछ्याएको मुम्बईले निर्धारित २० ओभरमा ८ विकेट गुमाएर २ सय ४७ रन मात्र बनाउन सक्यो ।
मुम्बईका लागि तिलक बर्माले ३२ बलमा ४ चौका र ४ छक्काको सहयोगमा ६३ रनको अर्धशतकीय ईनिङ खेले । कप्तान हार्दिक पान्ड्याले २४ बलमा ४ चौका र ३ छक्काको सहयोगमा ४६ रन बनाए ।
टिम डेबिडले १७ बलमा २ चौका र ३ छक्काको सहयोगमा ३७ रन बनाए ।
दिल्लीका लागि रसिक सलामले तीन तथा खलिल अहमदले दुई विकेट लिए । मुकेश कुमारले एक विकेट लिए ।
त्यसअघि टस हारेर पहिले ब्याटिङ गरेको दिल्लीले निर्धारित २० ओभरमा ४ विकेट गुमाएर २ सय ५७ रन बनाएको थियो ।
दिल्लीका लागि ओपनर जेक फ्रेसरले २७ बलमा ११ चौका र ६ छक्काको सहयोगमा ८४ रनको अर्धशतकीय ईनिङ खेले । ट्रिस्टन स्टब्स २५ बलमा ६ चौका र २ छक्काको सहयोगमा अविजित ४८ रन बनाए ।
मुम्बईका लागि लुक उड, जसप्रित बुमराह,पियुष चावला र मोहम्मद नाबीले समान एक एक विकेट लिए ।
दिल्ली दश खेलमा पाँचौ जितका साथ पाँचौ स्थानमा उक्लिएको छ । नौ खेलमा छैटौं हारका साथ मुम्बई पुछारबाट दोस्रो स्थानमा छ ।
