काठमाडौं । नामिबियामाथि नाइजेरियाले रोमान्चक जित निकालेको छ ।
घानामा जारी अफ्रिकन क्रिकेटमा नाइजेरियाले नामिबियामाथि ३ विकेटको जित हात पारेको हो ।
नामिबियाले दिएको १ सय २२ रनको लक्ष्य नाइजेरियाले निर्धारित २० ओभरको अन्तिम बलमा ७ विकेट गुमाएर पूरा गरेको थियो ।
सिल्भेटर आकले अन्तिम बलमा छक्का प्रहार गर्दै जित दिलाएका थिए । अन्तिम बलमा जितका लागि २ रन चाहिएको अवस्थामा आकले छक्का प्रहार गरेरका थिए ।
नाइजेरियाको जितमा आइसेक डिनलारीले २८ तथा सिल्भेटर आकले अविजित २२ रन बनाए ।
नामिबियाका लागि जान निको लेफ्टी इटोनले ३ विकेट लिए ।
त्यसअघि टस जितेर पहिले ब्याटिङ गरेको नामिबियाले २० ओभरमा ७ विकेट गुमाएर १ सय २१ रन बनाएको थियो ।
नामिबियाले दुई साता अघि मात्र नेपाललाई घरेलु मैदानमा पराजित गरेको थियो ।