काठमाडौं । आयरल्यान्ड वल्भ्ससँगको तीन खेलको एकदिवसीय सिरिजको दोस्रो खेलमा नेपालले टस जितेको छ ।
टियु क्रिकेट मैदानमा नेपालका कप्तान विनोद भण्डारीले टस जितेर बलिङ रोजेका हुन् ।
नेपालले एक परिवर्तन गरेको छ । अर्जुन कुमाल बेन्चमा रहँदा नरेन भट्टले मौका पाएका छन् ।
एकदिवसीय सिरिजका लागि आयरल्यान्डले टी-ट्वान्टी खेलकै टोली खेलाउँदा नेपाली टोलीमा भने केही परिवर्तन भएको छ । नेपाली टोलीमा भीम सार्की, अर्जुन साउद, अर्जुन कुमाल, रिजन ढकाल जस्ता खेलाडी थपिएका छन् । नेपाली कप्तानमा भने विनोद भन्डारीको निरन्तरता रहेको छ ।
सिरिज अन्तर्गतको तेस्रो तथा अन्तिम खेल आईतबार हुनेछ ।
नेपालको प्लेईङ-११
विनोद भण्डारी(कप्तान), देव खनाल, नरेन भट्ट, भीम सार्की, अर्जुन साउद, आरिफ शेख, बसिर अहमद, कमलसिंह ऐरी, साहाब आलम, रिजन ढकाल, मौषम ढकाल ।
