काठमाडौं । अफ्रिकी मुलुक दक्षिण अफ्रिका, जिम्बावे र नामिबियामा संयुक्त रुपमा आयोजना हुने २०२७ को एकदिवसीय विश्वकपको छनोटको रुपमा रहेको आईसीसी विश्वकप लिग टू अन्तर्गत नेपाल, नामिबिया र नेदरल्याण्ड्स सम्मिलित त्रिकोणात्मक सिरिजको आफ्नो दोस्रो खेलमा नेपालले टस जितेको छ ।
टियु मैदान किर्तिपुरमा नेपालका कप्तान रोहितकुमार पौडेलले टस जितेर बलिङ राजेको छ । विश्वकप लिग टू मा नेपाल र नेदरल्यान्ड्स पहिलो पटक खेल्दै छन् । एकदिवसीय अन्तराष्ट्रिय (ओडिआई) मा भने नेपाल र नेदरल्यान्डबीच खेल भईसकेको छ ।
बिहिबार भएको भएको खेलमा टिममा रहेका करण केसी र पवन सर्राफ बाहिरिएका छन् । नेपालको प्लेईङ-११ मा दीपेन्द्रसिंह ऐरी र देव खनाल टिममा फर्किएका छन् ।
हालसम्म नेपाल र नेदरल्यान्डबीचमा तीन ओडिआई खेल भएको छ । तीन मध्ये दुई खेलमा नेदरल्यान्ड्स र एक खेलमा नेपाल विजयी भएको छ । विश्वकपको अघिल्लो छनोटमा टेस्ट राष्ट्रहरुसँगै सुपर लिग खेलेको नेदरल्यान्ड्स लिगको पुछारमा रहदै लिग टू मा झरेको थियो । नेपालमा पहिलो पटक नेदरल्यान्ड्सको टिमले ओडिआई खेल खेल्न लागेको हो । यस खेललाई नेपाल ऐतिहासिक बनाउँन चाहन्छ ।
विश्वकप लिग टू मा पहिलो खेल्दै गरेको नेदरल्यान्ड्सलाई हराउँदै नेपालले अर्को ईतिहास बनाउँने छ ।
नेपालको प्लेईङ-११
आसिफ शेख(विकेटकिपर), कुशल भुर्तेल, अनिल शाह, भीम सार्की, रोहित पौडेल(कप्तान), दीपेन्द्रसिंह ऐरी, देव खनाल, कुशल मल्ल, सोमपाल कामी, , गुलशन झा, ललितनारायण राजवंशी ।
