काठमाडौं । नेपाल र हङकङबीचको खेल वर्षाका कारण रोकिएको छ ।
हङकङमा आजबाट सुरु त्रिदेशीय टी-ट्वान्टी आई सिरिजको पहिलो खेल वर्षाका कारण रोकिएको हो । हङकङको मिसन रोड ग्राउन्डमा नेपालका कप्तान रोहितकुमार पौडेलले टस जितेर बलिङ रोजेको थिए । पहिले ब्याटिङ गरिरहेको घरेलु टोलीले ५ ओभरको समाप्तीमा १ विकेट गुमाएर ४३ रन बनाएको अवस्थामा खेल रोकिएको हो । क्रिजमा अशुंमन रथ ३३ तथा कप्तान निजाकत खान ९ रन बनाएर रहेका छन् । ओपनर मार्टिन कोट्जे ईनिङको पहिलो बलमा करण केसीद्वारा आउट भएका थिए ।
त्रिदेशीय टी-ट्वान्टी सिरिजमा पपवा न्युगिनी, हङकङ र नेपाल रहेका छन् । आईतबार हङकङविरुद्ध खेलेको टिममा नेपालले तीन परिवर्तन गरेको छ ।
आईतबारको खेलमा रहेका राशिद खान, आकाश चन्द र सागर ढकाललाई यस खेलमा आराम दिईएको छ । लोकेश बम, अभिनास बोहोरा र करण केसीले टिममा मौका पाएका छन् । बमले २०२२ मार्च २८ पछि पहिलो पटक टिममा स्थान बनाएका हुन् ।
नेपालले एसीसी प्रिमियर कप तथा विश्वकप तयारीका लागि सिरिजमा सहभागीता जनाउदै छ । नेपाल र पीएनजीले यस वर्ष अमेरिका र वेस्ट इण्डिजमा हुने विश्वकपमा सहभागीता जनाउदै छन् । हङकङले भने नेपालसँगै एसीसी प्रिमियर कप खेल्दैछ ।
नेपालको प्लेईङ-११
कुशल भुर्तेल, विनोद भन्डारी(विकेटकिपर), रोहितकुमार पौडेल(कप्तान), गुलसन झा, सन्दीप जोरा, आरिफ शेख, विवेक यादव, लोकेश बम, प्रतिश जिसी, करण केसी, अभिनास बोहोरा ।
