पाँचपोखरी टि-२० जिल्ला स्तरीय क्रिकेट प्रतियोगिता अन्तर्गत तेस्रो दिनको खेलमा पाँचपोखरी भोताङ र सानू सिरुवाली विजयी भएका छन् ।
मुलपानी क्रिकेट मैदानमा भएको पहिलो खेलमा पाँचपोखरीले चौतारा साँगाचोकगढी नगरपालिकालाई ७ विकेटले हरायो ।
खेलमा टस जितेर ब्याटिङ रोजेको साँगाचोकगढीले १३.२ ओभरमा सम्पुर्ण विकेट गुमाएर ६७ रनमात्रै बनाउन सक्यो । उसका लागि ओपनर नवराज थापाले १३ बलमा २४ र मिलन थापाले अविजित १३ रन बनाउनुबाहेक अन्य ब्याटरले दोहोर अंकमा रन बनाउन सकेनन् ।
पाँचपोखरीको बलिङतर्फ दावा लामा, अविनास तामाङ र बिक्रम तामाङले समान २ विकेट लिए।
६८ रनको सामान्य विजयी लक्ष्य पछ्याएको पाँचपोखरीले ८.५ ओभरमा ३ विकेट गुमाएर जित भेटायो । उसका लागि ओपनरद्वय पासाङ तामाङ र आर्य तामाङले क्रमशः २० र १२ तथा दावा लामाले अविजित ११ रन बनाए ।
साँगाचोकगढीको बलिङतर्फ नवराज थापा, बिनोद गौतम र निम्रल थापाले समान १ विकेट लिए । 
यस्तै दिनको दोस्रो खेलमा सानू सिरुवालीले मेलम्ची नगरपालिकामाथी ४६ रनको सहज जित निकाल्यो ।
मुलपानी क्रिकेट मैदानमा भएको खेलमा टस हारेर ब्याटिङको निम्तो पाएको सिरुवालीले निर्धारित २० ओभरमा अल आउट हुँदै १२४ रन बनायो । उसका लागि रिङजिन लामाले ५६ बलमा ७ चौकाको मद्धतमा ५८ रन बनाए । यस्तै, एकनाथ नेपालले १४ तथा सुदिप दुलालले १३ रनको योगदान दिए ।
साँगाचोकगढीको बलिङतर्फ आशिष तामाङले ४ तथा अनिश दुलालले ३ विकेट लिए ।
१२५ रनको प्रतिस्पर्धात्मक विजयी लक्ष्य पछ्याएको साँगाचोकगढी १४ ओभरमा ७८ रनमै समेटियो । उसका लागि अनिष दुलालले सर्वाधिक १४ रन बनाउदा अन्य ब्याटरले दोहोरो अंकमा रन बनाउन सकेनन् ।
पाँचपोखरीको बलिङतर्फ सुदिप दुलालले ३ तथा सुशन चौलागाईं र मनोज खड्काले समान २ विकेट हात पारे ।
