काठमाडौं । नेपाल प्रिमियर लिग (एनपिएल) मा सहभागी पोखरा एभेन्जर्सले लोगो परिवर्तन गरेको छ ।
एभेन्जर्सले सामाजिक सन्जालमार्फत लोगो परिवर्तनको घोषणा गरेको हो । २०२२ मा आयोजना भएको नेपाल टि ट्वान्टी लिगको पहिलो संस्करणमा सहभागी पोखराले त्यस बेला प्रयोग गरेको लोगो परिवर्तन गरेको हो ।
पोखराले शनिवार मात्र कुशल भुर्तेललाई मार्की खेलाडीको रुपमा टोलीमा भित्राएको थियो । पोखरा फ्रेन्चाईज सर्वाधिक मुल्यमा नेपाल टि ट्वान्टी प्रालीले खरिद गरेको थियो ।