काठमाडौं । स्कटल्यान्डविरुद्धको तेस्रो टी-ट्वान्टी आई खेलमा घरेलु टोली युएई ६२ रनमा नै अल आउट भएको छ ।
दुबईमा भएको तीन खेलको टी-ट्वान्टी आई सिरिजको अन्तिम खेलमा स्कटल्यान्डले दिएको ९५ रनको लक्ष्य पछ्याएको युएई ६२ रनमै अल आउट भएको हो ।
यो जितसँगै स्कटल्यान्डले सिरिज २-१ ले जितेको छ । स्कटल्यान्डले दिएको ९५ रनको लक्ष्य पछ्याएको घरेलु टोली १५ दशमलब २ ओभरमा ६२ रनमा अल आउट भयो ।
युएईका लागि सात खेलाडीले खाता नै खोल्न सकेनन् । अकिफ राजाले २५ बलमा २८ तथा राहुल चोपराले १९ बलमा १४ रन बनाए ।
स्कटल्यान्डका लागि बर्डेले कुरिस, ज्याक जार्भिस र मार्क वाटले समान ३ विकेट लिए ।
त्यसअघि टस हारेर पहिले ब्याटिङ गरेको स्कटल्यान्डले १९ दशमलब ४ ओभरमा अल आउट हुदै ९४ रन मात्र बनायो ।
स्कटल्यान्डका लागि ओपनर जर्ज मुन्सेले १८ बलमा २१ तथा मार्क वाटले १३ रन बनाए ।
युएईका लागि शफि रहमान र आयान खानले समान ३ तथा अकिफ राजा र बासिल हमिदले समान २ विकेट लिए ।