एजेन्सी । श्रीलंका भ्रमणमा रहेको भारतले तीन खेलको टि ट्वान्टी आई सिरिजको दोस्रो खेलमा घरेलु टोलीबाट १ सय ६२ विजयी लक्ष्य पाएको छ ।
श्रीलंकाको पाल्लिखेलेमा टस हारेर पहिले ब्याटिङ गरेको घरेलु टोलीले निर्धारित २० ओभरमा ९ विकेट गुमाएर १ सय ६१ रन बनायो ।
श्रीलंकाका लागि कुशल परेराले सर्वाधिक ५४ रनको अर्धशतकीय इनिङ खेले । परेराले ३४ बलको सामना गर्दै ६ चौका र २ छक्का प्रहार गरे । ओपनर पथुम निशंकाले २४ बलमा ३२, कमान्डु मेन्डिसले २३ बलमा २६ तथा कप्तान चरिथ असलंकाले १४ रन बनाए ।
भारतका लागि रवि बिष्नोईले ३, हार्दिक पाण्ड्या, अर्शदिप सिंह र अक्षर पटेलले समान २ विकेट लिए ।
भारतले पहिलो टि ट्वान्टी आईमा ४३ रनको जित निकाल्दै सिरिजमा १-० को अग्रता बनाएको छ ।
यस खेलमा जित हात पारेर भारत एक खेल अगावै सिरिज आफ्नो नाम गराउन चाहन्छ । श्रीलंका यस खेलमा जित निकाल्दै सिरिजमा जिवित रहन चाहन्छ ।
