काठमाडौं । जारी नवौं संस्करणको टी-२० विश्वकपको सेमिफाइनलमा स्थान बनाउँन १ सय ४९ रनको लक्ष्य पाएको छ ।
वेस्ट इन्डिजको सेन्ट भिन्सेन्टमा रहेको आर्नोस भेल क्रिकेट स्टेडियममा टस हारेर पहिले ब्याटिङ गरेको अफगानिस्तानले निर्धारित २० ओभरमा ६ विकेट गुमाएर १ सय ४८ रन बनायो ।
अफगानिस्तानका लागि ओपनरद्वय रहमनुउल्लाह गुर्वाज र इब्राहिम जार्दानले अर्धशतकीय ईनिङ खेले । गुर्वाजले ४९ बलमा ४ चौका र ४ छक्काको सहयोगमा ६० तथा जार्दानले ४८ बलमा ५१ रन बनाए । पहिलो विकेटका लागि गुर्वाज र जार्दानले १ सय १८ रनको साझेदारी गरेका थिए ।
करिम जन्नतले ९ बलमा १३ रन बनाए ।
अस्ट्रेलियाका लागि प्याट कमिसंले लगातार दोस्रो खेलमा ह्याट्रिक सहित तीन तथा एडम जाम्पाले दुई विकेट लिए । मार्कस स्टोईनेसले एक विकेट लिए ।
सुपर एटको समूह एकमा रहेको अस्ट्रेलिया यस खेलमा जित निकाल्दै सेमिफाइनलमा स्थान बनाउँन चाहन्छ । यस समूहबाट भारतले यस अघि नै सेमिफाइनलमा स्थान बनाईसकेको छ ।
