काठमाडौं । मलेसियामा जारी एसीसी महिला प्रिमियर कपको सेमिफाइनल खेलमा नेपालले टस जितेको छ ।
नेपाल र मलेसियाबीचको सेमिफाइनल खेलमा नेपालीकी कप्तान इन्दु बर्माले टस जितेर ब्याटिङ रोजेकी हुन् ।
मलेसियालाइ हराउँदै नेपाल आठ बर्ष पछि एसिया कपमा छनोट हुन चाहन्छ । एसिया कपमा छनोट भएमा नेपालले भारत, पाकिस्तान, बंगलादेश र श्रीलंकाको टोलीसँग खेल्ने अवसर पाउने छ । एसिया कप आगामी सेप्टेम्बरमा आयोजना हुदैछ ।
मलेसिया र नेपाल अपराजित रुपमा सेमिफाइनल पुगेका हुन् । नेपालले पछिल्लो पटक थाईल्याण्डमा २०१६ मा आयोजना भएको टी-ट्वान्टी एसिया कप खेलेको थियो ।
एसिया कपमा नेपाल दुई पटक छनोट भएको छ । चीनमा भएको २०१२ को एसिया कपमा डेब्यु गरेको नेपालले समूह चरण पार गर्न सकेको थिएन । २०१६ मा भने ६ राष्ट्र सहभागी प्रतियोगितामा नेपाल छैटौं भएको थियो ।
नेपालले समूह चरणको पहिलो खेलमा हङकङलाई तथा दोस्रो खेलमा भुटानमाथि समान आठ आठ विकेटले र तेस्रो खेलमा माल्दिभ्सलाई २ सय १४ रनले हराएको थियो । क्वाटरफाइनलमा कुवेतलाई आठ विकेटले हराएको थियो ।
प्रतियोगिताको फाइनल पुग्ने दुई टोलीले एसिया कपमा स्थान बनाउँने छन् । पहिलो सेमिफाइनल खेल जितेर युएइले फाइनलमा स्थान बनाईसकेको छ ।
