इंग्ल्यान्ड र भारत बीच लन्डनको केनिंगटन ओभल मैदानमा सुरु भएको चौथो टेस्टको पहिलो इनिंग्समा टस हारेर ब्याटिंग गरेको भारत ६१.३ ओभरमा १९१ रनमै समेटिन पुगेको छ।
भारतको लागि शार्दुल ठाकुरले सर्वाधिक ५७ रन बनाए भने कप्तान बिराट कोहलीले ५० रन बनाए। केएल राहुल १७ रन, अजिंके रहाने १४ रन, रोहित शर्मा ११ रन , उमेश यादव र रभिन्द्र जडेजाले १० रन योगदान दिए।
भारतको लागि रोहित शर्मा र केएल राहुलले २८ रनको ओपनिंग साझेदारी गरेका थिए। तर रोहितलाई क्रिस वोक्सले क्याच आउट गराएपछि भारतको विकेट पतन सुरु बायो। केएल राहुललाई ओली रोविन्सनले एलबिडब्लु पारे भने चेतेश्वर पुजारालाई जेम्स एण्डरसनले क्याच आउट गराए। चौथो विकेटको कप्तान बिराट कोहलीले रभिन्द्र जडेजासंग ३० रन जोडे। जडेजालाई क्रिस वोक्सले क्याच आउट गराए पछि कोहलीले अजिंके रहानेसंग ३६ रन जोडे। अर्धशतक पुरा गरे लगत्तै कोहलीलाई रोबिन्सनले क्याच आउट गराए भने त्यसपछि रहानेलाई क्रेग ओभरटन तथा रिशभ पन्तलाई वोक्सले क्याच आउट गराए।
सिरिजमा पहिलो पटक मौका पाएका शार्दुल ठाकुरले आठौँ विकेटको लागि उमेश यादवसंग ६३ रनको साझेदारी गरे। ३६ बलमा ७ चौका र ३ छक्का मद्दतले ५७ रन बनाएका ठाकुरलाई वोक्सले एलबिडब्लु आउट गरेपछि भारतको तल्लो क्रम धरासायी बन्यो। फलस्वरुप १९०/७ बाट थप १ रन जोड्दा भारत अलआउट भयो।
इंग्ल्यान्डको बलिंगमा क्रिस वोक्सले ४ विकेट ( १५-६-५५-४ ) तथा ओली रोबिन्सनले ३ विकेट ( १७.३-९-३८-३ ) लिए। जेम्स एण्डरसन र क्रेग ओभरटनले समान १ विकेट लिए।
सिरिज अन्तर्गत पहिलो खेल वर्षाका कारण रद्द भएको थियो भने दोश्रो खेलमा भारतले १५१ रनले जितेको थियो। तेश्रो खेल इंग्ल्यान्डले इनिंग्स र ७६ रनले जित्दै सिरिज बराबरी गरेको थियो।
