तेश्रो खेलमा घरेलु टोलिलाई ४ विकेटले पराजित गर्दै नेपालले पाँच खेलको टि-२० सिरिजमा २-१ को अग्रता हाँसिल गरेको छ।
नैरोबी स्थित जिमखाना मैदानमा केन्याले दिएको १५७ रनको लक्ष्य नेपालले १९.३ ओभरमा ६ विकेट गुमाएर भेटायो।
ओपनर अर्जुन साउद र पवन सर्राफले ३.२ ओभरमा ३५ रनको साझेदारी गर्दै नेपाललाई राम्रो सुरुवात दिलाए। सर्राफ १२ बलमा २० रन बनाएर आउट भएपछि दोश्रो विकेटको लागि साउदले ज्ञानेन्द्र मल्लसंग ४२ रन जोडे। ३१ बलमा ३५ रन बनाएर अर्जुन एघारौं ओभरमा आउट भए। सोहि ओभरमा दिपेन्द्र ऐरी ६ रन बनाएर आउट भए।
चौथो विकेटको लागि मल्ल र रोहित पौडेलले ५४ रनको साझेदारी गर्दै नेपाललाई जितको दिशा दिए। रोहित १८ औं ओभरमा २९ रन बनाएर आउट भए। लगत्तै ओभरमा मल्ल ४६ रन बनाएर आउट भए जसले ४१ बलमा ४ चौका र १ छक्का प्रहार गरे। आदील आलमले ७ बलमा २ चौका र १ छक्का मद्दतले १६ रन बनाएर जित सहज बनाए।
केन्या बलर उगेने ओचेंग र भ्रज पटेलले २/२ विकेट तथा इमानुएल बन्डी र कोलिन्स ओबुयाले १/१ विकेट लिए।
टस जितेर ब्याटिंग गरको केन्याले २० ओभरमा २ विकेट गुमाएर १५६ रन बनायो। उसको लागि राकेप पटेलले अविजित ७३ तथा इरफान करिमले अविजित ५५ रन बनाए। तेश्रो विकेटको लागि दुवैले अविजित १२७ रन जोडे। नेपालको बलिंगमा सोमपाल कामि र आदील अन्सारीले १/१ विकेट लिए।
सिरिजको पहिलो खेलमा नेपाल ५ विकेटले तथा दोश्रो खेलमा केन्या १८ रनले विजयी भएको थियो। तेश्रो खेल भोलि सोमबार खेलिनेछ।