राजविराज । सप्तरीको विष्णुपुर गाउँपालिका वडा नम्वर ६ स्थित महेन्द्र विन्देश्वरी बहुमुखी क्याम्पसको खेल मैदानमा प्रदेश स्तरीय मिथिला कप टि–२० क्रिकेट प्रतियोगिता हुने भएको छ । बिहीबार एसके एयरपोर्ट होटल गोरगमामा आयोजित पत्रकार सम्मेलन मार्फत सो जानकारी दिए ।
यूवा शक्ति क्लबका अध्यक्ष रबिन्द्र यादबले माघ १४ गतेदेखि प्रदेश स्तरीय चौथो संस्करण मिथिला कप टि–२० क्रिकेट प्रतियोगिता संचालन हुने जानकारी दिए ।
सो प्रतियोगितामा मधेस प्रदेशको ८ जिल्ला मध्ये महोत्तरी जिल्ला बाहेक १० वटा टिमको सहभागिता रहने आयोजकले जनाएको छ ।
यस्तै प्रदेश नंः १ को सुनसरी, मोरङ र झापा गरी ३ वटा टिम, बागमति प्रदेशको १ वटा टिमका र भारतको सुपौल र सहरसा लगायतका २ वटा टिमको सहभागिता रहने छ ।
उक्त खेलमा पूर्व कप्तान तथा वर्तमान क्यानका म्यानेजर विनोद दासको उपस्थित रहने आयोजकले जानकारी दिए । उक्त प्रतियोगिताको विष्णुपुर गाउँपालिका अध्यक्ष उमेश प्रसाद यादवले उद्घाटन गर्ने कार्यक्रम रहेको छ ।
प्रतियोगितामा विजेता टिमलाई रु १ लाख र उपविजेतालाई ५१ ह्जार नगद पुरस्कार प्रदान गरिने आयोजकले जानकारी दिए । उक्त प्रतियोगितामा राष्ट्रिय तथा अन्तराष्ट्रिय खेलाडीहरूको सहभागिता रहने आयोजकले जनाएको छ ।
