काठमाडौं । नवौं संस्करणको टी-२० विश्वकपको फाइनल प्रवेशका लागि डिफेन्डिङ च्याम्पियन इंग्ल्यान्ड र भारत भिड्दै छन् ।
भारत र इंग्ल्यान्डबीचको खेल वेस्ट इन्डिजको गुयनामा नेपाली समय अनुसार बिहीबार बेलुका सवा आठमा सुरु हुदैछ ।
डिफेन्डिङ च्याम्पियन इंग्ल्यान्ड सुपर एटको समूह टूको उपबिजेता बन्दै सेमिफाइनलमा आएको हो । इंग्ल्यान्ड लगातार दुई संस्करणमा फाइनल पुग्ने दोस्रो टोली बन्न चाहन्छ । यस अघि २००७ को पहिलो तथा २००९ को दोस्रो संस्करणमा पाकिस्तान लगातार फाइनल पुगेको थियो ।
उता, समूह चरणबाट अपराजित रुपमा सेमिफाइनल पुगेको भारत तेस्रो पटक फाइनल पुग्ने लक्ष्यमा रहेको छ । सन् २००७ मा भएको पहिलो संस्करणको च्याम्पियन भारत २०१६ मा फाइनल पुगेको थियो ।
२०२२ मा भएको अघिल्लो संस्करणको सेमिफाइनलमा भारतलाई १० विकेटले पराजित गरेर इंग्ल्यान्डले फाइनलमा स्थान बनाएको थियो । यि दुईबीच टी-२० आईमा भएको पछिल्लो पाँच भेटमा भारत तीन पटक र इंग्ल्यान्ड दुई पटक विजयी भएका छन् ।
