काठमाडौं । अफगानिस्तानका तीव्र गतिका बलर फजलहक फारुकी एकै टी-२० विश्वकपमा सर्वाधिक विकेट लिने बलर बनेका छन् ।
जारी नवौं संस्करणको टी-२० विश्वकप २०२४ मा फारुकीले ८ खेलमा १७ विकेट लिदै उक्त कीर्तिमान रचेका हुन् ।
फारुकीले श्रीलंका लेग स्पिनर वानिन्दु हसरंगाले सन् २०२१ को सातौं संस्करणको टी-२० विश्वकपमा लिएको १६ विकेटको कीर्तिमानलाई पछि पारेका हुन् ।
बिहीबार बिहान ब्रायन लारा क्रिकेट एकेडेमीको मैदानमा दक्षिण अफ्रिकाका ओपनर क्विन्टन डि ककलाई आउट गर्दै उक्त कीर्तिमान बनाएका हुन् ।
तेस्रो स्थानमा श्रीलंकाका अजान्था मेन्डिसले २०१२ र वानिन्दु हसरंगाले २०२२ मा समान १५/१५ विकेट लिएका थिए ।
जारी विश्वकपमा भारतका अर्शदीप सिंहले पनि १५ विकेट लिई सकेका छन् । भारतको अझै खेल बाँकी नै रहेको छ ।
