काठमाडौं । ललितपुर मेयर्स कपको पहिलो खेलमा स्पिनर कृतिका मरासिनी चम्कँदा ललितपुर मेयर्स एघारले बागमती प्रदेशमाथि सहज जित निकालेको छ ।
टियु क्रिकेट मैदान कीर्तिपुरमा ललितपुरले ७ विकेटको जित निकाल्यो ।
बागमतीले दिएको ५३ रनको लक्ष्य ललितपुरले १३ दशमलब १ ओभरमा ३ विकेट गुमाएर पूरा गर्यो ।
ललितपुरका लागि कप्तान पुजा महतोले ३० बलमा २३ तथा ओपनर लक्ष्मी चौधरीले ७ बलमा १२ रन बनाईन् ।
बागमतीका लागि खुसी डगोलले १ विकेट लिइन् ।
त्यसअघि टस जितेर ब्याटिङ रोजेको बागमतीले १४ दशमलब २ ओभरमा ५२ रनमा अल आउट भयो ।
बागमतीका लागि कप्तान अस्मिना कर्माचार्यले २६ बलमा २० तथा ओपनर कन्चन श्रेष्ठले १८ बलमा ११ रन बनाए । बागमतीका लागि अन्य ब्याटरले दोहोरो अंकमा रन बनाउन सकेनन् ।
ललितपुरका लागि कृतिका मरासिनीले ४ तथा सरस्वती चौधरीले ३ विकेट लिईन् । कृतिका ह्याट्रिक विकेट लिएकी थिइन् । उनले लगातार ४ बलमा ४ विकेट लिएकी थिईन् ।
जितका ललितपुर अंक तालिकाको शीर्ष स्थानमा रहेको छ ।
