काठमाडौं । राजधानीमा जारी त्रिदेशीय टी-ट्वान्टी आई सिरिजको च्याम्पियन बन्न नेपालले नेदरल्यान्ड्सलाई १ सय ८५ रनको लक्ष्य दिएको छ ।
टियु क्रिकेट मैदान कीर्तिपुरमा टस जितेर पहिले ब्याटिङ गरेको नेपालले निर्धारित २० ओभरमा ८ विकेट गुमाएर १ सय ८४ रन बनायो ।
नेपालका लागि ओपनर आसिफ शेखले ३७ बलमा १ चौका र ३ छक्काको सहयोगमा ४७ रन बनाए । ओपनर आसिफ माईकल लिभेन्टको बलमा एलबीडब्लु आउट भए । गुलसन झाले २५ बलमा ३ छक्काको सहयोगमा ३४ रन बनाए । झा फ्रेड केल्सनको बलमा आउट भए ।
कप्तान रोहितकुमार पौडेलले १९ बलमा ३ चौका र १ छक्काको सहयोगमा माईकल लिभेन्टको बलमा आउट भए । अर्का ओपनर कुशल भुर्तेलले १० बलमा १ चौका र २ छक्काको सहयोगमा २० रन बनाए ।
आज जन्मदिन मनाईरहेका कुशल मल्लले ११ बलमा ३ छक्काको २६ सहयोगमा रन बनाए । मल्ल साईब्रान्ड एङ्गलब्रेख्तको बलमा आउट भए । करण केसीले ४ बलमा १ छक्काको सहयोगमा ९ रन बनाए । केसी एङ्गलब्रेख्तको बलमा आउट भए ।
सोमपाल कामी ५ बलमा ६ रनमा अविजित रहँदा प्रतिश जिसी पनि ६ रनमा अविजित रहे ।
नेदरल्यान्ड्सका लागि साईब्रान्ड एङ्गलब्रेख्त, फ्रेड क्लासन, टिम भान डेर गुन्टेन, शरिज अहमद र माईकल लिभेन्टले समान २/२ विकेट लिए ।
लिग चरणमा नेपालले नामिबियासँग २० र नेदरल्यान्ड्सँग दुई रनको पराजय ब्यहोरेको थियो । पछिल्ला दुई खेलमा नेपालले नामिबियामा तीन रन तथा नेदरल्यान्ड्समाथि ६ विकेटको जित निकाल्यो ।
नेदरल्यान्ड्सले नामिबियालाई पहिलो खेलमा ५९ रनले हराउँदा दोस्रो खेल भने वर्षाले रद्द भएको थियो ।
नेपाल र नेदरल्यान्ड्सबीच पछिल्लो पाँच मध्य तीन खेलमा नेपालले जित हासिल गरेको छ ।
नेपालले टोलीमा कुनै परिवर्तन गरेको छैन । लिग चरणको अन्तिम खेलमा शनिबार नेदरल्यन्ड्सविरुद्धकै टोली उतारेको छ ।
