जैसवालको शतकमा राजस्थानको जित, मुम्बईलाई हराउँदै राजस्थान प्लेअफ नजिक

काठमाडौं । १७ औं संस्करणको इन्डियन प्रिमियर लिग(आइपीएल)को ३८ औं खेलमा ओपनर यसश्वी जैसवालको शतकको सहयोगमा मुम्बई इन्डियन्सलाई पराजित गरि राजस्थान रोयल्स प्लेअफ नजिक पुगेको छ ।

घरेलु मैदान सवाईमान सिंह क्रिकेट स्टेडियम जयपुरमा राजस्थान ९ विकेटले विजयी भयो ।

मुम्बईले दिएको १ सय ८० रनको लक्ष्य राजस्थानले १८ दशमलब ४ ओभरमा १ विकेट गुमाएर पुरा गर्यो ।

राजस्थानका लागि यसश्वी जैसवालले ६० बलमा ९ चौका र ७ छक्काको सहयोगमा अविजित १ सय ४ रनको शतकीय ईनिङ खेले । आइपीएल करियरको दोस्रो शतक उनले ५९ बलमा पुरा गरेका थिए । अर्का ओपनर जोस बटलरले २५ बलमा ६ चौकाको सहयोगमा ३५ रन बनाए । पहिलो विकेटका लागि जैसवाल र बटलरले ४८ बलमा ७४ रनको साझेदारी गरे ।

कप्तान सन्जु सामसनले २८ बलमा २ चौका र २ छक्काको सहयोगमा ३८ रन बनाए । दोस्रो विकेटका लागि जैसवाल र सामसनले ६५ बलमा १ सय ९ रनको अविजित साझेदारी गरे ।

मुम्बईका लागि पियुष चावलाले १ सफलता दिलाए ।

त्यसअघि टस जितेर पहिले ब्याटिङ गरेको पाहुना टोली मुम्बईले निर्धारित २० ओभरमा ९ विकेट गुमाएर १ सय ७९ रन बनाएको थियो ।

मुम्बईका लागि तिलक बर्माले ४५ बलमा ५ चौका र ३ छक्काको सहयोगमा ६५ रनको अर्धशतकीय ईनिङ खेले । बढेराले २४ बलमा ३ चौका र ४ छक्काको सहयोगमा ४९ रन बनाए । ५२ रन बनाएर ४ विकेट गुमाएको अवस्थाबाट बर्मा र बढेराले पाँचौं विकेटका लागि ५५ बलमा ९९ रनको साझेदारी गर्दै टिमलाई मध्यम योगफलसम्म पुर्याए ।

मोहम्मद नाबीले १७ बलमा २ चौका र १ छक्काको सहयोगमा २३ रन बनाए । सुर्यकुमार यादवले ८ बलमा १० तथा कप्तान हार्दिक पान्ड्याले १० बलमा १० रन बनाए ।

राजस्थानका लागि सन्दीप शर्माले पाँच तथा ट्रेन्ट बोल्डले दुई विकेट लिए । आभेस खान र युजभेन्द्र चहलले समान एक एक विकेट लिए ।

आठौं खेलमा सातौं जितका साथ राजस्थान शीर्ष स्थानमा कायमै छ । यस जितसँगै राजस्थानको शीर्ष चारमा रहँदै प्लेअफ प्रवेशको सम्भावना बलियो बनेको छ ।

आठौं खेलमा पाँचौ हारका साथ मुम्बई अंक तालिकामा पुछारबाट चौथो स्थानमा छ ।

यस संस्करणमा दुई टोलीबीचको यो दोस्रो पटक भेट भएको हो । पहिलो भेटमा पनि मुम्बईलाई राजस्थानले पराजित गरेको थियो ।





थप समाचार

सन्दीपको विश्वकप सहभागीता अन्यौलमा

काठमाडौं । क्रिकेटर सन्दीप लामिछानेको आगामी महिना अमेरिका तथा वेस्ट इन्डीजमा आयोजना हुने टी-२० विश्वकपमा सहभागीता अन्यौलमा परेको छ । […]

रोहितले विश्वकपको डेब्यु खेलमा बनाउँदै छन् यस्तो कीर्तिमान

काठमाडौं । दश बर्ष पछि विश्वकपमा स्थान बनाएको नेपालका कप्तान रोहितकुमार पौडेलले नेदरल्यान्ड्ससँगको पहिलो खेलमा नयाँ कीर्तिमान बनाउँदै छन् । […]

आइपीएल : इलिमिनेटरमा राजस्थान र बेंगलुरु खेल्दै

काठमाडौं । १७ औं संस्करणको इन्डियन प्रिमियर लिग (आइपीएल) को इलिमिनेटर खेलमा राजस्थान रोयल्स र रोयल च्यालेन्जर्स बेंगलुरुबीच आज खेल […]

नेपालसॅंग खेल्नु अघि बंगलादेश अमेरिकासॅंग पराजित

काठमाडौ । आगामी महिना हुने टी-२० विश्वकपमा नेपालसॅंग खेल्नु अघि बंगलादेश अमेरिकासॅंग पराजित भएको छ । बंगलादेशविरुद्धको तीन खेलको टि-२० […]

हैदराबादलाई हराउँदै कोलकाता फाइनलमा

काठमाडौं । १७ औं संस्करणको इन्डियन प्रिमियर लिग (आइपीएल) को पहिलो क्वालिफायर खेलमा सनराइजर्स हैदराबादलाई हराउँदै कोलकाता नाइट राईडर्सले फाइनलमा […]

कोलकातासामु हैदराबादको चलेन ब्याटिङ, १५९ रनमा नै अल आउट

काठमाडौं । १७ औं संस्करणको इन्डियन प्रिमियर लिग (आइपीएल) को पहिलो क्वालिफायर खेलमा कोलकाता नाइट राईडर्सको बलरसामू चल्न नसक्दा सनराइजर्स […]