६ कार्तिक, बुटवल । ज्ञानोदय गोल्ड्स रुपन्देहीको तिलोत्तमा नगरपालिकामा जारि तिलोत्तमा प्रिमियर लिगको फाइनलमा प्रवेश गरेको छ । उसले सेमिफाइनलमा पाल्पाली लिजेन्ड्सलाई ९ रनले पराजित गर्यो ।
बुधबार सम्पन्न पहिलो सेमिफाइनलमा टस जितेर ब्याटिङ्ग गरेको ज्ञानोदयले ७ विकेटको क्षतीमा १४५ रन बनाएको थियो । उसका शंकर रानाले ६२ रन र सिद्धान्तराज शाहीले ३६ रन बनाए ।
१४६ रनको लक्ष्य लिएर उत्रेको पाल्पाली लिजेन्ड्स १९।४ ओभरमा १३६ रनमा समेटिएपछि ज्ञानोदयले फाईनलको यात्रा तय गरेको हो । पाल्पाली लिजेन्ड्सलाई सस्तैमा रोक्न ज्ञानोदयका दिवान पुनले ४ ओभरमा १३ खर्चेर ३ विकेट लिए । त्यस्तै जितेन्द्र शहानी र सिद्धान्तराज शाहीले समान २/२ विकेट लिँदा प्रतिश जिसी र कमल ओलीले समान १/१ विकेट लिए ।
ज्ञानोदय गोल्ड्सका सिद्धान्तराज शाही भ्यालुएवल प्लेयर तथा ज्ञानोदयकै शंकर राना प्लेयर अफ द म्याच चुनिए । ज्ञानोदयले भोलि हुने फाइनलमा बुटवल युनाइटेड र मणिग्राम किंग्सको बिजेतासंग खेल्नेछ । अहिले दुवै टिम दोश्रो सेमिफाइनलमा भिडिरहेका छन् ।
