काठमाडौं । १७ औं संस्करणको इन्डियन प्रिमियर लिग (आइपीएल) को दोस्रो क्वालिफायरमा स्थान बनाउँन राजस्थान रोयल्सले १ सय ७३ रनको लक्ष्य पाएको छ ।
अहमदाबादमा रहेको नरेन्द्र मोदी क्रिकेट स्टेडियममा जारी इलिमिनेटर खेलमा टस हारेर पहिले ब्याटिङ गरेको बेंगलुरुले निर्धारित २० ओभरमा ८ विकेट गुमाएर १ सय ७२ रन बनायो ।
बेंगलुरुका लागि रजत पाटीदारले २२ बलमा २ चौका र २ छक्काको सहयोगमा ३४ रन बनाए । ओपनर विराट कोहलीले २४ बलमा ३ चौका र १ छक्काको सहयोगमा ३३ रन बनाए । क्यामरुन ग्रिनले २१ बलमा २ चौका र १ छक्काको सहयोगमा २७ रन बनाए । महिपाल लुमरोरले १७ बलमा २ चौका र २ छक्काको सहयोगमा ३२ रन बनाए ।
राजस्थानका लागि आवेश खानले ३ तथा रविचन्द्रन आश्विनले २ विकेट लिए । सन्दीप शर्मा, ट्रेन्ट बोल्ट र युजभेन्द्र चाहलले समान १/१ विकेट लिए ।
यस खेलको विजेताले शुक्रबार हुने दोस्रो क्वालिफायर खेलमा सनराइजर्स हैदराबादको सामना गर्नेछ । हैदराबाद पहिलो क्वालिफायरमा कोलकाता नाइट राइटर्ससँग पराजित भएको थियो । कोलकाताले भने आइतबार हुने फाइनल खेलका लागि स्थान पक्का गरिसकेको छ ।
