काठमाडौं । काठमाडौंमा जारी नेपाल, नामिबिया र नेदरल्यान्ड्स सहभागी त्रिदेशीय टी-ट्वान्टी आई सिरिजको फाइनल खेलमा घरेलु टोली र नेदरल्यान्ड्सले मंगलबार उपाधीका लागि खेल्दैछन् ।
फाइनल खेल टियु क्रिकेट मैदान कीर्तिपुरमा बिहान साढे ११ मा सुरु हुनेछ । समूह चरणमा दुई खेल जितेर नेपालले फइनलमा स्थान बनाउँदा नेदरल्यान्ड्सले दुई नै खेल जित्दा एक खेलमा अंक बाडेको थियो । नेपाल र नेदरल्यान्ड्सले समूह चरणमा दुई खेल खेलेकामा १ मा नेपाल र १ मा नेदरल्यान्ड्स विजयी भएको थियो ।
टी-ट्वान्टी आईको ईतिहासमा यि दुईबीच ११ खेल भएकोमा ५/५ खेलमा दुवै टोली विजयी हुँदा १ खेल वर्षाका कारण रद्द भएको छ । चार खेलको दुईदेशिय सिरिजमा २०१५ मा नेपाल र नेदरल्यान्ड्सको खेलेकामा नेपालले ३-१ ले सो सिरिज गुमाएको थियो ।
२०१८ मा मेरिलिबोन क्रिकेट क्लब, नेदरल्यान्ड्स र नेपालबीच भएको त्रिकोणात्मक सिरिजमा नेपाल र नेदरल्यान्ड्सबीचको खेल वर्षाका कारण रद्द भएको थियो । २०१९ मा ओमानमा भएको पेन्टागुलर सिरिजमा नेपालले नेदरल्यान्ड्सलाई ४ विकेटले पराजित गरेको थियो । नेपाल, मलेसिया र नेदरल्यान्ड्स रहेको २०२१ को सिरिजको समूह चरण एक अर्कासँग नेपाल र नेदरल्यान्ड्सले १/१ खेल जितेकामा फाइनलमा नेपालले नेदरल्यान्ड्सलाई १ सय ४२ रनको फराकिलो अन्तरले पराजित गरेको थियो ।