काठमाडौं । नामिबियाविरुद्ध नेपालले टस हारेको छ ।
नामिबियाका कप्तान जेजे स्मिथले टस जितेर बलिङ रोजेपछि नेपालले पहिला ब्याटिङ गर्दै छ ।
फाइनल सम्भावना कायमै राख्न नेपालले यो खेल जित्नै पर्छ । नेपाली टोलीमा तीन परिवर्तन भएको छ ।
अभिनास बोहोरा, अनिल शाह र आरिफ शेखले टिममा स्थान बनाउँदा ललित राजवंशी, कुशल भुर्तेल र सन्दीप जोरा बेन्चमा रहेका छन् । शाहले २०१८ पछि पहिलो पटक मौका पाएका हुन् । २०१८ जुलाई २९ मा बेलायतको लड्समा नेदरल्यान्ड्सविरुद्ध डेब्यु खेल खेलेका थिए । त्यो खेल वर्षाका कारण रद्द भएको थियो ।
नेपालको प्लेईङ-११
रोहितकुमार पौडेल(कप्तान), आशिफ शेख, अनिल शाह, कुशल मल्ल, दीपेन्द्रसिंह ऐरी, गुलसन झा, करण केसी, सोमपाल कामी, प्रतिश जिशी, आरिफ शेख र अभिनास बोहोरा ।
