काठमाडौं । पाँचपोखरी टी-ट्वान्टी क्रिकेट प्रतियोगिताको तेश्रो दिन पाँचपोखरी र भोटेचौर विजयी भएका छन् । तेस्रो दिनको पहिले खेलमा पाँचपोखरी क्रिकेट क्लब ले माइटी साँगाचोकमाथि ५६ रनले विजयी हासिल गरेको छ। पाँचपोखरी क्रिकेट क्लबका कप्तान सार्थक धिताल टस जितेर पहिले ब्याटिंग गर्ने निर्णय गरेका थिए । जसमा पाँचपोखरी क्रिकेट क्लबका बिबेक रानाले १७ बल मा ३० रन,लाक्पा लामा ले २९ बलमा ३५ रन, आर्यन धितालले २४ बलमा ३२ रन र कप्तान सार्थक धितालले २५ बल मा २८ रन प्रहर गरेका थिए ।
माइटी साँगाचोकका बलर सबिन गिरि, निरञ्जन बस्नेत र पेम्बा लामा ले १/१ विकेट लिएका छन् । जवाफी ब्याटिंगमा ओर्लेको माइटी साँगाचोकका ब्याटर नमराज थापाले ४९ बल मा ५८ रन र मिलन थापा २६ बल मा अविजित ३३ रन बनाउनु बाहेक अरु कुनै ब्याट्सम्यानले रन बनाउन सकेनन । पाँचपोखरी क्रिकेट क्लबको तर्फ बाट बिजय कुमार धिताल २ विकेट, निशान्त धिताल, मनोज खड्का र निरन्जन खतिवडा ले समान १/१ विकेट लिएका थिए । खेल को म्यान अफ द म्याच बिबेक राना भएका छन् ।
आजै भएको दोस्रो खेलमा भोटेचौर स्पोर्ट्स क्लबले चौतारा साँगाचोकगडी नगरपालिकालाई ४१ रन ले हराएको छ। टस जितेर ब्याटिंग गर्ने निर्णय लिएको भोटेचौरले राजिब चौलागाईको १७ रन, अविशेक चौलागाई को १४ रन र कुशल चौलागाईको १३ रन को मद्दतले निर्धारित २० ओवरमा ८६ रन बनाउन सफल भएको थियो ।
चौताराको बलर बिनोद गौतमले ३ विकेट, सुनिल श्रेष्ठले २ र विजय नापितले २ विकेट लिन सफल भए ।
८६ रन को झिनो बिजय लक्ष्य पछ्याउने क्रममा चौताराको निरन्जन कुँवरले १० रन बनाउनु भन्दा बाहेक कुनै पनि ब्याटरले दोहोरो अंक बनाउन नसके पछी नाटकीय हारको सामना गर्नु परेको छ। म्याच को म्यान अफ द म्याच ३ ओभरमा १ मेडन सहित ४ रन दिएर ४ विकेट लिने सरिन कार्की हुनु भएको थियो । यो हार संगै चौतारा प्रतियोगिता बाट बाहिरिने पहिलो टिम बनेको छ ।
भोलि बिहान ९ बजे पहिलो खेल माइटी साँगाचोक बिरुद्ध इन्द्रावती गाउँपालिका र दिउसो १ बजे भोटेचौर स्पोर्ट्स क्लब बिरुद्ध पाँचपोखरी हिमालयन क्रिकेट क्लब बीच रहेको छ ।
