पिपिएल दोश्रो दिन – दोश्रो खेलमा बुटवल र काठमाडौँ बीच प्रतिस्पर्धा

पोखरामा जारि पोखरा प्रिमियर लिग अन्तर्गत दिनको दोश्रो खेलमा सोमपाल कामि कप्तानीको बुटवल ब्लास्टर्स र ज्ञानेन्द्र मल्ल कप्तानीको काठमाडौं गोल्डेन्सले प्रतिस्पर्धा गर्दैछन्। खेल १२:४५ बजे दिउसो सुरु हुने बताईएको छ।

बुटवल ब्लास्टर्स

अघिल्लो सिजन ५ खेलमा मात्र २ जित हात पार्नसकेपछि पाँचौ स्थानमा रहँदै लिग अन्त्य गरेको बुटवल ब्लास्टर्स यो पटक बढी आशावादी रहेको छ। उक्त सिजन पहिलो २ खेलमा जित हारे पछि अन्य ३ खेलमा टिमले लगातार हार बेहोर्नु परेको थियो।

सोमपाल कामि कप्तान रहेको टिममा सिद्धान्त लोहनी, हरि बहादुर चौहान , ललित भण्डारी, अविनाश बोहरा, भिम शार्की जस्ता नेपाली क्रिकेटर रहेका छन्। बलिंगमा सोमपाल, ललित भण्डारी र अविनाश बोहराको उपस्थिति टिमको बलियो पक्ष हो। सिद्धान्त लोहनी, हरि बहादुर चौहान, हसिम अन्सारी, भिम शार्की, शेर मल्ल जस्ता ब्याट्सम्यानहरुले ब्याटिंग धान्नेछन्।

Butwal Blasters

तिन भारतीय विदेशी खेलाडीहरु अफताब उदीन , शिवम सिंह र हर्ष टोन्क टिममा रहेका छन्। तिन जना खेलाडीसंग भारतमै ठुलो स्तरमा क्रिकेट खेलेको भने अनुभव रहेको छैन।

बुटवल ब्लास्टर्स टिम – सोमपाल कामी (कप्तान), मोहम्मद संसाद शेख, सिद्धान्त लोहनी, हरि बहादुर चौहान, ललित भण्डारी, शंकर राना, पुरन बिक, हसिम अन्सारी, भिम सार्की, अभिनास बोहोरा, नितेश थापा, बिपिन खत्री, शेर मल्ल र कमल खत्री, विदेशी खेलाडी – अफ्ताब उदीन, शिवम सिंह र हर्ष टोन्क

काठमाडौँ गोल्डेन 

पहिलो खेलमा पोखरा पल्टनसंग ९ विकेटको हार पछि दोश्रो खेलमा काठमाडौँ पहिलो जित हात पर्न चाहन्छ। उक्त खेलमा काठमाडौँले पहिले ब्याटिंग गर्दै मात्र ११५ रन बनाउन सकेपछि पोखराले १४.१ ओभरमै लक्ष्य पुरा गरेको थियो।

ब्याटिंग लाइन अपमा ज्ञानेन्द्र मल्ल, सुबास खकुरेल, पृथु बास्कोटा, जयकिशन कोल्सावाला, गौरभ तोमर र सुबोध भाटी जस्ता ठुलो नामहरु रहेता पनि पोखरासंग काठमाडौँको ब्याटिंग चल्न सकेको थिएन। सुबोध भाटी बाहेक अन्य ब्याट्सम्यानले उल्लेख्य प्रदर्शन गर्न सकेनन्।

अनुभवी खेलाडीहरु सुबास खकुरेल र अमृत भट्टराईको प्रदर्शन पनि पहिलो खेलमा राम्रो हुन सकेन। सुबासले ६ रन मात्र बनाउन सके भने अमृतले १ ओभर मात्र बलिंग पाए जसमा ९ रन खर्चिए।

प्रतियोगिताको बलियो टिम मध्येको काठमाडौँ पहिलो खेलको कमजोरीलाई दोश्रो खेलमा सुधार्ने योजनामा हुनेछ।

काठमाडौँ गोल्डेन वारीयर्स टिम :- ज्ञानेन्द्र मल्ल ( कप्तान ) , अमित श्रेष्ठ, पवन सर्राफ, अमर सिंह रौटेला, बसन्त रेग्मी, आदील खान, पृथु बास्कोटा, सुशन भारि, नन्दन यादब, सुर्य तामांग, विदेशी खेलाडीहरु – जयकिशन कोल्सावाला, गौरभ तोमर र सुबोध भाटी





थप समाचार

स्कटल्याण्डसँग खेल्दै नेपाल

कठमाडौँ । मलेसियामा जारी आइसीसी महिला यु–१९ टी–२० क्रिकेट विश्वकपमा सोमबार नेपालले स्कटल्याण्डको सामना गर्दै छ। नेपाली समयअनुसार यो खेल […]

प्रधानमन्त्री कप : कोशी र आर्मीको विजयी सुरुआत

काठमाडौं । कोशी र विभागीय टोली त्रिभुवन आर्मी क्लबले प्रधानमन्त्री राष्ट्रिय महिला टी–२० क्रिकेट प्रतियोगितामा विजयी सुरुआत गरेका छन्। आइतबार […]

पाँचौ संस्करणको अर्घाखाँची प्रिमियर लिग क्रिकेटको उपाधी किमडाँडालाई

अर्घाखाँची । अर्घाखाँची क्रिकेट संघले आयोजना गरेको अर्घाखाँची प्रिमियर लिग टि–२० क्रिकेटको उपाधी सौजन्य समाज किमडाँडाले जितेको छ । पाँचौं […]

कर्णालीमाथि लुम्बिनीको सहज जित

काठमाडौँ । लुम्बिनी प्रदेशले प्रधानमन्त्री कप राष्ट्रिय महिला टी–२० क्रिकेट प्रतियोगितामा कर्णाली प्रदेशलाई पराजित गरेको छ। धनगढीस्थित फाप्ला क्रिकेट मैदानमा […]

सुदूरपश्चिमलाई हराउँदै समूह विजेताको रुपमा एपिएफ सुपर फोरमा

काठमाडौँ । विभागीय टोली एपिएफ क्लब प्रधानमन्त्री कप राष्ट्रिय महिला टी–२० क्रिकेट प्रतियोगितामा अपराजित रहँदै सुपर फोरमा पुगेको छ। धनगढीस्थित […]

नेपाल पाँच विकेटले पराजित

काठमाडौँ । आइसिसी महिला यु–१९ टी–२० विश्वकपको आफ्नो पहिलो खेलमा नेपालले बंगलादेशसँग पाँच विकेटले पराजित भएको छ। नेपालले दिएको ५३ […]