युएईमा जारी रहेको महिला टि२० विश्वकपमा न्युजिल्यान्डले भारतलाई फराकिलो अन्तरले पराजित गरेको छ ।
दुबईमा शुक्रवार भएको दिनको दोस्रो खेलमा भारत ५८ रनको फराकिलो अन्तरले पराजित भएको हो ।
न्युजिल्यान्डले दिएको १ सय ६१ रनको लक्ष्य पछ्याएको भारत १९ ओभरमा १ सय २ रनको योगफलमा समेटियो ।
भारतका लागि कप्तान हरमनप्रित कौरले १४ बलमा सर्वाधिक १५, जेमिमा रोड्रिगेज र दिप्ती शर्माले समान १३ तथा स्मृती मन्धना र रिचा घोषले समान १२ रन जोडे ।
न्युजिल्यान्डका लागि रोजमेरी मायरले ४, लिया ताहुहुले ३ तथा इडेन क्रसनले २ विकेट लिईन् ।
त्यसअघि टस जितेर पहिले ब्याटिङ गरेको न्युजिल्यान्डले निर्धारित २० ओभरमा ४ विकेट गुमाएर १ सय ६० रन को योगफल तयार गरेको थियो ।
न्युजिल्यान्डका लागि कप्तान सोफि डिभिनले ३६ बलमा ७ चौकाको सहयोगमा नट आउट ५७ रन जोडिन् । जर्जिया प्लिमरले २३ बलमा ३४, स्विज बेटिसले २४ बलमा २७ तथा ब्रुकी ह्यालिडेले १२ बलमा १६ रन बनाइन् ।
भारतका लागि रेनुका सिंहले २ तथा अरुनधती रेड्डी र आशा सोभानाले समान १ विकेट लिईन् ।
जितबाट प्रतियोगिताको सुरुवात गरेको न्युजिल्यान्ड समूह ए को शीर्ष स्थानमा उक्लिएको छ ।
शुक्रवार भएको पहिलो खेलमा दक्षिण अफ्रिकाले वेस्ट इन्डिजमाथि १० विकेटको फराकिलो अन्तरमा जित हात पार्यो ।
वेस्ट इन्डिजले दिएको १ सय १९ रनको लक्ष्य दक्षिण अफ्रिकाकाले १७.५ ओभरमा कुनै पनि विकेट नगुमाई पूरा गर्यो ।
दक्षिण अफ्रिकाको जितमा लोरा उल्भर्टले ५५ बलमा ७ चौकाको सहयोगमा नट आउट ५९ रन बनाईन् । तन्जिम ब्रिटसले ५२ बलमा ६ चौकाको सहयोगमा नट आउट ५७ रन जोडिन् ।
वेस्ट इन्डिजका लागि ८ बलको प्रयोग हुँदा कसैले विकेट निकाल्न सकेनन् ।
त्यसअघि टस हारेर ब्याटिङ गरेको वेस्ट इन्डिजले २० ओभरमा ६ विकेट गुमाएर १ सय १८ रन बनाएको थियो ।
वेस्ट इन्डिजका लागि स्टेफनि टेलरले ४१ बलमा ४४, शिमैनि च्याम्पवेलले २१ बलमा १७ तथा कप्तान हेलि म्याथ्युजले ११ बलमा १० रन बनाईन् ।
दक्षिण अफ्रिकाका लागि नोनकुलोलिका एलाबाले ४ तथा मरिजाने कप्पाले २ विकेट लिईन् ।
