काठमाडौं । श्रीलंकाविरुद्ध तीन खेलको टि ट्वान्टी सिरिज ‘क्लिन स्विप’ गरेपछि आजदेखि दुई टोली एकदिवसीय खेल खेल्दैछन् । श्रीलंकाको कोलम्बोमा रहेको आर प्रेमदासा क्रिकेट स्डेडियममा खेल नेपाली समयअनुसार दिउसो पौने ३ बजे सुरु हुनेछ । सिरिज टी ट्वान्टी जस्तै तीन खेलकै हुनेछ ।
श्रीलंका मथिश मथिरानासहित प्रमुख चार तिव्रगतिका बलर बिना मैदान उत्रनेछ । भारतले भने टि ट्वान्टी आई खेलेका ६ खेलाडीलाई विश्राम दिनेछ । यस्तै, भारतीय टोलीमा टी ट्वान्टी आई क्रिकेटबाट संन्यास लिएका रोहित शर्मा, विराट कोहली टिममा फर्कनेछन् । साथै कुलदीप यादव, मोहम्मद शाही, जसप्रित बुमराहले पनि स्थान बनाएका छन् ।
विराट र रोहित एकदिवसीय विश्वकपको फाइनलमा अस्ट्रेलियासँग हारेपछि पहिलो पटक मैदानमा उत्रदै छन् । ऋषभ पन्त सन् २०२२ पछि पहिलो पटक एकदिवसीय टिममा छन् । टिममा केएल राहुल पनि छन् ।
भारतलाई श्रीलंकाविरुद्ध एक सयौं खेल जित्ने अवसर छ । दुई टिमबीच १६८ एकदिवसीय खेल भएका छन् । जसमा भारत ९९ खेलमा विजयी हुँदा श्रीलंकाले मात्र ५७ खेल जितेको छ । एक खेल बराबर हुँदा ११ खेलमा नतिजा आउन सकेन ।
सन् २०१४ यता भारतले खेलेको २४ खेलमा २१ खेल जितेको छ । चार खेल मात्रै श्रीलंकाको पक्षमा छ ।
