योगेश भाटको उत्कृष्ट पारी, चटकपुर स्पोर्टस क्लब नेपालले जित्यो सत्यवती एकेडेमी विरुद्धको एकमात्र टी-२० खेलको सिरिज

चटकपुर स्पोर्टस क्लब नेपालको आयोजना तथा शैलेश्वरी पुस्तक पसल एन्ड स्पोर्टस हाउसको प्रायोजनमा आज भएको चटकपुर स्पोर्टस क्लव नेपाल र अत्तरियाको सत्यवती एकेडेमीबीचको एकमात्र टी-२० खेल योगेश भाटले उत्कृष्ट पारी खेल्दा आयोजक चटकपुर स्पोर्टस क्लव नेपालले जित्यो।

आज बिहान भएको चटकपुर स्पोर्टस क्लव नेपाल र अत्तरियाको सत्यवती एकेडेमीबीचको एकमात्र टी-२० खेलमा सत्यवती एकेडेमीले टस जित्दै पहिला ब्याटिङ गर्ने निर्णय लिएको हो।फलस्वरूप, अत्तरियाको सत्यवती एकेडेमीले निर्धारित २० ओभरको खेलमा १९ ओभर खेल्दै सम्पुर्ण विकेटको क्षति १४० रनको सम्मानजनक स्कोर बनाउन सक्यो।ब्याटिङतर्फ सत्यवती एकेडेमीका लागि सन्दिप खत्री क्षेत्रीले २५ बलमा आक्रामक सर्वाधिक ५६ रनको अर्धशतकिय पारी खेल्न सफल हुँदा सुजन गौतम ३५ बलमा २० रन,निरज भट्ट १४ बलमा अविजित १४ रन तथा आदिल अन्सारीले ०९ बलमा १३ रन बनाउनु बाहेक अन्य खेलाडीले दोहोरो स्कोर छुन सकेनन्।

बलिङतर्फ चटकपुर स्पोर्टस क्लव नेपालका लागि क्रीश ऐरले ४ ओभरमा २ मेडेन सहित १५ रन खर्चंदै सर्वाधिक ३ विकेट लिन सफल हुँदा भुपेश जोशीले ४ ओभरमा २६ रन खर्चंदै महत्त्वपूर्ण २ विकेट लिन सफल भए।

१४१ रनको मध्यम विजयी लक्ष्य पछ्याउँदै मैदान उत्रेको चटकपुर स्पोर्टस क्लव नेपालले निर्धारित २० ओभरको खेलमा १५.५ ओभर खेल्दै मात्र २ विकेटको क्षति १४१ रन बनाउदै रोमाञ्चक ८ विकेटको जित आफ्नो नाममा दर्ता गराउनुका साथै दुवै टोलिबीचको एकमात्र टी-२० खेलको सिरिज पनि जित्न सफल भएको छ।ब्याटिङतर्फ चटकपुर स्पोर्टस क्लव नेपालका लागि योगेश भाटले ३८ बलमा आक्रामक सर्वाधिक ६९ रनको अर्धशतकिय पारी खेल्दा आयुव चन्द ११ बलमा आक्रामक ३७ अविजित रन,दिनेश ओड १७ बलमा १७ रन तथा तथा युवा खेलाडी सुदांशु रावलले २३ बलमा ११ रन बनाउदै आफ्नो टोलिलाइ महत्त्वपूर्ण खेलमा जित दिलाउन सफल भए।

बलिङतर्फ सत्यवती एकेडेमीका लागि निरज भट्टले ३ ओभरमा १९ रन खर्चँदा सुजन गौतमले ३ ओभरमा २३ रन खर्चंदै समान १/१ विकेट लिन सफल भएपनि आफ्नो टिमलाई जित भने दिलाउन सकेनन्।

चटकपुर स्पोर्टस क्लव नेपालको आयोजना तथा शैलेश्वरी पुस्तक पसल एन्ड स्पोर्टस हाउसको प्रायोजनमा आज धनगढीको फाप्ला क्रीकेट मैदानमा भएको चटकपुर स्पोर्टस क्लव नेपाल र अत्तरियाको सत्यवती एकेडेमी बीचको एकमात्र टी-२० खेल आयोजक चटकपुर स्पोर्टस क्लव नेपालले ८ विकेटले जित्न सफल भएको हो।

खेलको म्यान अफ दी म्याच चटकपुर स्पोर्टस क्लव नेपालका योगेश भाट घोषित हुँदा उक्त एकमात्र खेलको म्यान अफ दी सिरिज पनि चटकपुर स्पोर्टस क्लवकै योगेश भाट घोषित हुन सफल भए।
यस चटकपुर स्पोर्टस क्लव नेपाल र अत्तरियाको सत्यवती एकेडेमीबीचको एकमात्र टी-२० खेलको समापन समारोहका सभापति दिपक रावल ज्यू रहँदा प्रमुख अतिथि नेपाल क्रीकेट संघका केन्द्रिय सदस्य तथा कैलाली जिल्ला क्रीकेट संघका अध्यक्ष विक्रम बिष्ट ज्यू रहनुभएको हो।कार्यक्रममा अन्य धेरै अतिथिहरु पनि रहनुभएको थियो।





थप समाचार

नेपालसँग खेल्ने आयरल्यान्ड वल्भ्सको टोली घोषणा, सिरिज मार्च २४ बाट

काठमाडौं । नेपाली सिनियर राष्ट्रिय टोली तथा नेपाल ए सँग खेल्ने आयरल्यान्ड वल्भ्सको टोली घोषणा भएको छ । आइतबार क्रिकेट […]

नेदरल्यान्ड्स र नेपालले फाइनल खेल्ने

काठमाडौं । नेपाल र नेदरल्यान्ड्सले त्रिदेशीय टी-ट्वान्टी आई सिरिजको फाइनलमा भिड्ने भएका छन् । वर्षाका कारण नामिबिया र नेदरल्यान्ड्सको खेल […]

नेदरल्यान्ड्सले टस जित्यो

काठमाडौं । नेदरल्यान्ड्सले नामिबियाविरुद्धको खेलमा टस जितेको छ । टियु क्रिकेट मैदानमा कीर्तिपुरमा नेदरल्यान्ड्सका कप्तान स्कट एडवार्डले टस जितेर बलिङ […]

हङकङ सिरिजका लागि नेपाली टोलीको घोषणा, आकाशलाई पहिलो पटक मौका

काठमाडौं । हङकङमा आयोजना हुने त्रिदेशीय टी-ट्वान्टी सिरिजका लागि नेपाली टोली घोषणा भएको छ । फागुन २७ बाट सुरु हुने […]

हङकङ टी-ट्वान्टी सिरिज फागुन २७ बाट

काठमाडौं । हङकङमा आयोजना हुने त्रिदेशीय टी-ट्वान्टी सिरिज फागुन २७ बाट सुरु हुने भएको छ । हङकङ क्रिकेटले शनिबार सिरिजको […]

दंगाली लायन्सलाई दाङ क्रिकेट लिग सिजन-२ को उपाधि, बसिर सर्वोत्कृष्ट  

दाङमा सम्पन्न नेपाल टेलिकम दाङ क्रिकेट लिगको दोश्रो सिजनको उपाधि दंगाली लायन्सले जितेको छ। दाङ क्रिकेट संघद्वारा आयोजित लिगको फाइनलमा […]