राजस्थानलाई हराउँदै हैदराबाद फाइनलमा

काठमाडौं । १७ औं संस्करणको इन्डियन प्रिमियर लिग (आइपीएल) मा राजस्थान रोयल्सलाई हराउँदै सनराईजर्स हैदराबादले फाइनलमा स्थान बनाएको छ ।

चेन्नईमा रहेको एम ए चिदम्बरम क्रिकेट स्टेडियममा भएको दोस्रो क्वालिफायर खेलमा हैदराबाद ३६ रनले विजयी भएको छ ।

हैदराबादले दिएको १ सय ७६ रनको लक्ष्य पछ्याएको हैदराबादले २० ओभरमा ७ विकेट गुमाएर १ सय ३९ रन मात्र बनाउन सक्यो ।

राजस्थानका लागि धुव्र जुरेलले ३५ बलमा ७ चौका र २ छक्काको सहयोगमा ५६ रनको अर्धशतकीय ईनिङ खेले । ओपनर यसश्वी जैसवालले २१ बलमा ४ चौका र ३ छक्काको सहयोगमा ४२ रन बनाए ।

हैदराबादका लागि शाहबाज अहमदले ३ तथा अभिशेक शर्माले २ विकेट लिए ।

त्यसअघि टस हारेर पहिले ब्याटिङ गरेको हैदराबादले २० ओभरमा ९ विकेट गुमाएर १ सय ७५ रन बनाएको थियो ।

हैदराबादका लागि हेनरिक क्लासेनले ३४ बलमा ४ छक्काको सहयोगमा ५० रनको अर्धशतकीय ईनिङ खेले । राहुल त्रिपाठीले १५ बलमा ५ चौका र २ छक्काको सहयोगमा ३७ रन बनाए । ट्राभिस हेडले २८ बलमा ३ चौका र १ छक्काको सहयोगमा ३४ रन बनाए ।

राजस्थानका लागि ट्रेन्ट बोल्ट र आवेश खानले समान ३/३ तथा सन्दीप शर्माले २ विकेट लिए ।

पहिलो क्वालिफायरमा कोलकाता नाइट राईडर्ससँग पराजित हुदै हैदराबादले दोस्रो क्वालिफायर खेलेको थियो । हैदराबादलाई पराजित गरेको कोलकाताले भने फाइनलमा स्थान सुरक्षित गरिसकेको छ ।

उता, राजस्थान भने इलिमिनेटर खेलमा रोयल च्यालेन्जर्स बेंगलुरुलाई हराउँदै दोस्रो क्वालिफायरका लागि छनोट भएको थियो । समूह चरणमा भएको खेलमा पनि हैदराबाद विजयी भएको थियो ।

हैदराबादले आइतबार हुने फाइनल खेलमा कोलकातासँगको भेट पक्का गरेको छ ।





थप समाचार

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]

वेस्ट इन्डिजले अफगानिस्तानलाई दियो २१९ रनको लक्ष्य

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानलाई जितका लागि […]