काठमाडौं । १७ औं संस्करणको इन्डियन प्रिमियर लिग(आइपीएल) को २६ औं खेलमा लखनाउ सुपर जायन्ट्सले दिल्ली क्यापिटल्सलाई १ सय ६८ रनको लक्ष्य दिएको छ ।
घरेलु मैदान एकना क्रिकेट स्टेडियममा टस जितेर पहिले बलिङ गरेको लखनाउले निर्धारित २० ओभरमा ७ विकेट गुमाएर १ सय ६७ रन बनायो ।
लखनाउका लागि आयुष बदोनीले ३५ बलमा ५ चौका र १ छक्काको सहयोगमा अविजित ५५ रनको अर्धशतकीय ईनिङ खेले । कप्तान केएल राहुलले २२ बलमा ५ चौका र १ छक्काको सहयोगमा ३९ रन बनाए ।
ओपनर क्विनटन डि ककले १३ बलमा ४ चौकाको सहयोगमा १९ रन बनाए । अर्शद खानले १६ बलमा २ चौकाको सहयोगमा अविजित २० रन बनाए ।
दिल्लीका लागि कुलदिप यादवले तीन तथा खलिल अहमदले दुई विकेट लिए ।
