विश्वकप अघि पाकिस्तानको निराशाजनक खेल, इंग्ल्यान्डसँगको सिरिज गुमायो

काठमाडौं । अमेरिका र वेस्ट इन्डिजमा आयोजना हुने टी-२० विश्वकप अघि पाकिस्तानले कमजोर प्रदर्शन जारी गरेको छ ।

पाकिस्तानले इंग्ल्यान्डविरुद्धको चार खेलको टी-२० आई सिरिज २-० ले गुमाएको छ । सिरिजको चौथो खेल सात विकेटले गुमाउँदै सिरिज नै गुमाएको छ ।

पाकिस्तानले दिएको १ सय ५८ रनको लक्ष्य इंग्ल्यान्डले १५ दशमलब ३ ओभरमा ३ विकेट गुमाएर पूरा गर्यो ।

इंग्ल्यान्डका लागि फिल साल्टले २४ बलमा ४५ तथा कप्तान जोस बटलरले २१ बलमा ३९ रन बनाए । जोनी बेयस्ट्रोले १६ बलमा २८ तथा विल ज्याक्सले १८ बलमा २० रन बनाए ।

पाकिस्तानका लागि हरिस रौउफले तीन विकेट लिए ।

त्यसअघि टस हारेर पहिले ब्याटिङ गरेको पाकिस्तानले १९ दशमलब ५ ओभरमा १ सय ५७ रनमा अल आउट भयो ।

पाकिस्तानका लागि उस्मान खानले २१ बलमा ३८ तथा कप्तान बाबर अजामले २२ बलमा ३६ रन बनाए । मोहम्मद रिजवानले १६ बलमा २३ तथा इफ्तिखार अहमदले १८ बलमा १६ रन बनाए ।

इंग्ल्यान्डका लागि मार्क वुड, आदिल राशिद र लियम लिभिगंस्टोनले समान २/२ तथा जोफ्रा आर्चर, क्रिस जोर्डन, मोईन अलिले समान १/१ विकेट लिए ।

पहिलो खेल, तेस्रो खेल वर्षाका कारण रद्द भएको सिरिजको दोस्रो र चौथो खेल इंग्ल्यान्डले जितेको थियो । विश्वकपमा पाकिस्तान समूह ए मा र इंग्ल्यान्ड समूह बी मा रहेको छ ।





थप समाचार

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]

वेस्ट इन्डिजले अफगानिस्तानलाई दियो २१९ रनको लक्ष्य

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानलाई जितका लागि […]