काठमाडौं । ओमानमा जारी एसीसी मेन्स प्रिमियर कप आज(शनिबार) नेपालले आफ्नो दोस्रो खेलमा कतारसँग खेल्दैछ ।
नेपाल र मलेसियाबीचको खेल ओमानको मस्कटमा नेपाली समय अनुसार अपरान्ह सवा चारबाट सुरु हुदैछ ।
मलेसियालाई हराउँदै प्रिमियर कपमा सुखद सुरुआत गरेको नेपाल कतारलाई हराउँदै लगातार दोस्रो जित निकाल्न चाहन्छ ।
पहिलो खेलमा हङकङसँग पराजित कतार नेपाललाई पराजित गरि पहिलो जित निकाल्न चाहन्छ ।
नेपाल र कतारबीच टी-२० आईमा हालसम्म एक पटक भेट भएकोमा कतार अपराजित छ ।
नेपाल र कतारको अन्तिम भेट
नेपाल र कतार २०१९ आईसीसी टि-२० विश्वकप एसिया क्षेत्रीय छनोट फाइनलको समुह चरणको खेलमा आमने-सामने भएका थिए।
उक्त खेलमा कतार ४ विकेटले विजयी भएको थियो। सिंगापुरमा भएको सो खेलमा नेपालले दिएको १ सय २३ रनको लक्ष्य कतारले १९ दशमलब २ ओभरमा ६ विकेट गुमाएर पुरा गरेको थियो ।
प्रिमियर कपमा नेपाल :
प्रिमियर कपमा आयोजक ओमान, नेपाल, मलेसिया, हङकङ, युएई, बहराइन, कतार कुवेत, कम्बोडिया र साउदी अरेबिया सहभागी रहेका छन् ।
प्रतियोगितामा सहभागी दश राष्ट्रलाई दुई समूहमा विभाजन गरएिको छ । नेपाल समूह ए मा रहेको छ । नेपाल रहेको समूहमा मलेसिया, हङकङ, साउदी अरेबिया र कतार छन् ।
समूह बी मा आयोजक ओमानसहित युएई, कुवेत, कम्बोडिया र बहराइन छन् ।
प्रतियोगितामा नेपालले तेस्रो खेलमा बैशाख ३ मा हङकङसँग खेल्नेछ । यो खेल भने नेपाली समय अनुसार बिहान पौने १२ मा हुनेछ ।
समूह चरणको अन्तिम खेलमा नेपालले बैशाख ५ मा साउदी अरेबियासँग खेल्ने छ । यो खेल नेपाली समय अनुसार बिहान पौने १२ मा हुनेछ ।
हरेक समूहका शीर्ष २ टोली सेमिफाइनलमा प्रवेश गर्नेछन् । प्रिमियर कपको विजेता टोलीले एसिया कपमा स्थान बनाउनेछन् । यस संस्करणको एसिया कप टी(२० फर्म्याटमा हुनेछ ।
नेपाली टोली :
रोहितकुमार पौडेल(कप्तान), कुशल भुर्तेल, आसिफ शेख, कुशल मल्ल, सन्दीप जोरा, विवेक यादव, गुलसन झा, अनिल शाह, दीपेन्द्रसिंह ऐरी, ललितनारायण राजवंशी, प्रतिश जिसी, करण केसी, सोमपाल कामी, अभिनास बाहोरा ।