काठमाडौं । विराटनगरमा जारी कोशी प्रदेश राष्ट्रिय टी-ट्वान्टी च्याम्पियनसिपको सेमिफाइनल समिकरण पूरा भएको छ ।
समूह ए बाट विजेता बन्दै त्रिभुवन आर्मी क्लब र कर्णाली प्रदेश तथा समूह बी को विजेता बन्दै लुम्बिनी र उपविजेता बन्दै सुदूरपश्चिम प्रदेश च्याम्पियनसिपको सेमिफाइनलमा प्रवेश गरेका छन् ।
समूह ए को विजेता बनेको आर्मीले समूह चरणको चारै खेल जितेकोमा कर्णाली भने २ मा विजयी र २ मा पराजित भएको थियो । आजको खेलमा विभागीय टोली नेपाल एपीएफलाई पराजित गरे पनि रन रेटमा मधेश कर्णाली भन्दा तल रहेकाले समूह चरणबाट नै बाहिरियो । यस समूहका कोशी प्रदेश तथा एपीएफले समान १/१ जित निकालेका थिए ।
समूह बी को विजेता बनेको लुम्बिनी प्रदेशले ३ खेलमा जित र १ मा हार व्यहोर्यो । उपविजेता सुदूरपश्चिमले पनि समान ३ मा जित र १ मा हार व्यहोर्यो । नेपाल पुलिस र बाग्मती प्रदेशले समान २/२ खेल जित्दा गण्डकी प्रदेश भने जित बिहिन रह्यो ।
च्याम्पियनसिपको दुवै सेमिफाइन खेल शुक्रबार हुँदा फाइनल खेल शनिबार हुनेछ । प्रतियोगितामा सात प्रदेश तथा तीन विभागीय टोलीको सहभागीता रहेको छ ।