नेपाल क्रिकेट संघ (क्यान)को नियमित बैठक भोलि (मंगलबार) चितवनमा बस्दै छ । लकडाउन खुकुलो भएपछि पहिलोपटक बोर्ड बैठक बस्न लागेको हो । भोलि विहान ८ बजे बैठक बस्ने कार्यक्रम तय भएको संघका अध्यक्ष चतुरबहादुर चन्दले नारायणी अनलाइनलाई जानकारी दिए ।
यसपटकको बैठकमा सरकारले अनुमित दिएको खण्डमा प्रशिक्षण कार्यक्रमलाई कसरी अघि बढाउने र हाल सम्म भएका कार्य प्रगतिको समिक्षा र नयाँ योजनाहरु बनाइने अध्यक्ष चन्दनले नारायणी अनलाइनलाई बताए । उनले भने–‘धेरै एजेण्डा खासै छैन, समिक्षा गर्ने र भावी योजनालाई कसरी कार्यान्वयन गर्ने भन्ने विषयमा नै छलफल गर्छौ ।’
कोरोना कहरपछि क्यानको यसरी बैठक बस्न सकेको थिएन । बैठक भोलि विहानै बस्ने भएपछि आजै सबै पदाधिकारी तथा सदस्यहरु चितवन आउने क्रम जारी छ ।
