काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ रनको लक्ष्य दिएको छ ।
घरेलु मैदान अरुण जेट्ली क्रिकेट स्टेडियममा टस हारेर पहिले ब्याटिङ गरेको दिल्लीले निर्धारित २० ओभरमा ४ विकेट गुमाएर २ सय २४ रन बनायो ।
दिल्लीका लागि रिषभ पन्त र अक्षर पटेलले अर्धशतकीय ईनिङ खेले । कप्तान पन्तले ४३ बलमा ५ चौका र ८ छक्काको सहयोगमा अविजित ८८ रन बनाए । पटेलले ४३ बलमा ५ चौका र ४ छक्काको सहयोगमा ६६ रन बनाए । पटेल र पन्तले चौथो विकेटका लागि ६८ बलमा १ सय १३ रनको महत्तवपुर्ण शतकीय साझेदारी गरे ।
ट्रिस्टन स्टब्सले ७ बलमा ३ चौका र २ छक्काको सहयोगमा अविजित २६ रन बनाए । जेक फ्रेजरले १४ बलमा २३ तथा पृथ्वी शाले ७ बलमा ११ रन बनाए । पाँचौ विकेटका लागि पन्त र स्टब्सले अविजित ६७ रनको साझेदारी गरे ।
गुजरातका लागि सन्दीप वारियर्सले तीन तथा नुर अहमदले एक विकेट लिए ।
जारी संस्करणमा दोस्रो पटक आमने सामने भईरहेका छन् । गत साता भएको भेटमा दिल्लीले गुजरातलाई पराजित गरेको थियो ।