काठमाडौं । दक्षिण अफ्रिकामा जारी आईसीसी यू–१९ विश्वकप २०२४ को सुपर सिक्समा नेपालले भारत र बंगलादेशसँग खेल्ने खेलको मतिी तय भएको छ ।
अन्तराष्ट्रिय क्रिकेट परिषद(आइसीसी) ले नेपालले भारत र बंगलादेशसँग खेल्ने खेलको मिती तय गरेको हो ।
नेपाल समूह डी को निर्णायक खेलमा अफगानिस्तानलाई १ विकेटले हराउँदै सुपर सिक्समा पुगेको हो ।
समूह डी बाट नेपाल, पाकिस्तान र न्युजिल्यान्ड सुपर सिक्समा पुगेका छन् ।
समूह ए बाट भारत, बंगलादेशले शीर्ष २ मा रहँदै सुपरसिक्समा स्थान बनाएका छन् । नेपालले यी दुई टोलीसँगै सुपर सिक्समा खेल्ने छ ।
खेलतालिका अनुसार नेपालले ३१ जनवरीमा समूह ए को दोस्रो स्थानमा रहको बंगलादेशसँग खेल्दै नेपालले सुपर सिक्सको सुरुआत गर्नेछ । नेपालले २ फेब्रुअरीमा समूह ए को शीर्ष टोली भारतसँग खेल्नेछ ।
सेमिफाइनलमा स्थान बनाउनका लागि नेपालले सुपर सिक्समा भारत र बंगलादेश दुबै टोलीलाई हराउन आवश्यक छ ।
