कोहली र शामी चम्किंदा भारतको लगातार पाँचौ जित, न्युजिल्यान्डको पहिलो हार

न्युजिल्यान्डलाई ४ विकेटले पराजित गर्दै भारतले आईसीसी विश्वकप क्रिकेट प्रतियोगितामा लगातार पाँचौ जित दर्ता गर्दै जितको शिलशिला कायमै राखेको छ। अघिल्लो ४ खेलमा जित दर्ता गरेको न्युजिल्यान्डले प्रतियोगितामा पहिलो हार बेहोरेको छ।जितसंगै भारतले विश्वकप २०२३ को सेमीफाइनल पुग्ने सम्भावना बलियो बनाएको छ।

आजको जित भारतको लागि विशेष रह्यो। सन् २००३ को विश्वकप पछि भारतले आईसीसी विश्वकपमा न्युजिल्यान्डलाई पहिलो पटक पराजित गरेको हो।

भारतको धरमशालामा न्युजिल्यान्डले दिएको २७४ रनको लक्ष्य भारतले २ ओभर बाँकी हुँदै ६ विकेट क्षेतीमा भेटायो।

भारतको लागि विराट कोहलीले सर्वाधिक ९५ रनको योगदान दिए जुन क्रममा १०४ बलमा ८ चौका र २ छक्का प्रहार गरे। कप्तान रोहित शर्माले ४६, रभिन्द्र जडेजाले अविजित ३५, श्रेयस ऐयरले ३३, शुबमन गिलले २६ रन बनाए।

१९१ रनमा ५ विकेट गुमेको अवस्थामा कोहली र जडेजाले छैठौं विकेटको लागि ७८ रनको साझेदारी गर्दै जितको नजिक पुर्याए। शतक प्रहार गर्न ५ रन टाढा रहंदा छक्का प्रहार गर्ने प्रयासमा कोहली म्याट हेनरीको बलमा क्याच आउट हुन पुगे।

न्युजिल्यान्डको बलिंगमा लकी फर्गुसनले २ तथा ट्रेन्ट बोल्ट, म्याट हेनरी र मिचेल स्यांटनरले १/१ विकेट लिए।

यस अघि टस हारेर ब्याटिंग गरेको न्युजिल्यान्डले ५० ओभरमा २७३ रनमा सबै विकेट गुमायो।

न्युजिल्यान्डको लागि चौंथो नम्बरमा ब्याटिंग गरेका डेरेल मिचेलले सर्वाधिक १३० रन बनाए जुन क्रममा १२७ बलमा ९ चौका र ५ छक्का प्रहार गरे। यस्तै रचिन रभिन्द्रले ८७ बलमा ६ चौका र १ छक्का मद्दतले ७५ रन बनाए। ग्लेन फिलिप्सले २३ तथा विल योंगले १७ रन योगदान दिए। तेश्रो विकेटको लागि रभीन्द्र र मिचेलले १५९ रनको साझेदारी गरेका थिए।

एक समय २०५ रनमा ३ विकेट गुमाएको अवस्थाबाट भारतीय फास्ट बलर मोहम्मद शामीले ५ विकेट लिंदा न्युजिल्यान्डले थप ६८ रन बनाउदा सबै विकेट गुमाउन पुग्यो। शामीले १० ओभरमा ५४ रन खर्चिए। कुलदिप यादवले २ तथा जस्प्रित बुम्राह र मोहम्मद सिराजले १/१ विकेट लिए।





थप समाचार

पञ्जाबमाथि गुजरातको जित

काठमाडौं । १७ औं संस्करणको इन्डियन प्रिमियर लिग(आइपीएल)को ३७ औं खेलमा गुजरात टाईटन्सले पञ्जाब किंग्समाथि जित निकालेको छ । पञ्जाबको […]

गुजरात सामू चलेन पञ्जाबको ब्याटिङ, १४२ रनमा अल आउट

काठमाडौं । १७ औं संस्करणको इन्डियन प्रिमियर लिग(आइपीएल)को ३७ औं खेलमा गुजरात टाईटन्स सामु पञ्जाब किंग्स १ सय ४२ रनमा […]

ओमानलाई पराजित गरि युएई एसिया कपमा

काठमाडौं । कप्तान मोहम्मद वासिमको शतकको सहयोगमा ओमानलाई पराजित गर्दै युएईले २०२५ को एसीया कपमा स्थान बनाएको छ । घरेलु […]

बेंगलुरुको लगातार छैटौं हार, कोलकाता दोस्रो स्थानमा उक्लियो

काठमाडौं । १७ औं संस्करणको इन्डियन प्रिमियर लिग (आइपीएल)को ३६ औं खेलमा कोलकाता नाइटराइडर्सले रोयल च्यालेन्जर्स बेंगलुरुलाई पराजित गरेको छ […]

पलको अर्धशतकमा सुदुरको रोमान्चक जित

काठमाडौं । काठमाडौंमा जारी वीर गणेशमान सिंह राष्ट्रिय टी-२० च्याम्पियनशिप अन्तर्गत आइतवार भएको पहिलो खेलमा सुदुरपश्चिम प्रदेशले रोमाञ्चक जित हात […]

एसीसी प्रिमियर कप : उपाधीका लागि ओमान र युएई खेल्दै

काठमाडौं । ओमनमा जारी दोस्रो संस्करणको एसीसी प्रिमियर कपको उपाधिका लागि घरेलु टोली र युएई आज भिड्दै छन् । खेल […]