नामिबियामा जारि आईसीसी विश्वकप लिग-२ अन्तर्गतको त्रिकोणात्मक सिरिजमा आज नेपाल र नामिबिया प्रतिस्पर्धा गर्दैछन्।
विन्ढोक स्थित युनाइटेड क्रिकेट क्लब मैदानमा टस जितेर नामिबियाले नेपाललाई पहिले ब्याटिंगको निम्तो दिएको छ।
नेपालको अन्तिम एघार : रोहित पौडेल ( कप्तान ) , दिपेन्द्र ऐरी, ज्ञानेन्द्र मल्ल, आसिफ शेख, सोमपाल कामि, अर्जुन साउद, गुल्सन झा, आरिफ शेख, कुशल भुर्तेल, सागर ढकाल, ललित राजवंशी
करन केसी, हरिशंकर शाह र नन्दन यादवलाई अन्तिम एघारबाट बाहिर राखिएको छ।
युएई विरुद्ध घरेलु सिरिजमा गुल्सनले राम्रो प्रदर्शन गर्दै ३ खेलमा ५ विकेट लिएका थिए भने ब्याटिंगमा २ खेलमा ५६ रन बनाएका थिए। सोहि सिरिजमा करनले २ खेलमा १ विकेट लिएका थिए।
लिग-२ अन्तर्गत अघिल्लो दुई खेलमा नामिबियाले नेपाललाई ४० रन र ६३ रनले पराजित गरेको थियो।
सिरिजको पहिलो खेलमा स्कटल्याण्डले नामिबियालाई पराजित गरेको थियो।
लिग-२ अंकतालिकामा नामिबिया २७ खेलमा ३२ अंकको साथ चौंथो स्थानमा छ। नेपाल २० खेलमा ८ जितको साथ १७ अंक सहित छैठौं स्थानमा छ।
