- विकेटनेपाल,असोज-१७
आईसीसी टि -२० विश्वकप एसिया रिजन ( पूर्वी ) छनौट प्रतियोगिता अन्तर्गत नेपालले आफ्नो पहिलो खेलमा म्यानमारलाई ८ विकेटले सजिलै पराजित गर्यो।
टस जितेर पहिले ब्याटिंग गर्दै म्यानमारले दिएको ३० रनको लक्ष्य नेपालले ३ ओभरमा २ विकेट गुमाएर पुरा गरेको हो। नेपालको जितमा करन केसीले अविजित १४ रन बनाए भने बिनोद भण्डारी १ रनमा अविजित रहे। प्रदिप ऐरि खाता नखोली तथा अनिल साह ११ रन बनाएर आउट भए। यस अघि म्यानमारले १० ओभरमा २९ रनमा सबै विकेट गुमाएर नेपाललाई ३० रनको लक्ष्य दिएको थियो। म्यानमारको लागि कप्तान लिङ्ग युङ्गले सर्वाधिक १६ रन बनाउनु बाहेक अन्यले दोहोरो अंकमा रन बनाउन सकेनन्। नेपालको लागि सन्दिप लामिछानेले सर्वाधिक ४ तथा ललित राजबंशीले ३ विकेट लिए।
१५ फोटोहरुमा हेर्नुस म्यानमार बिरुद्ध नेपालको शानदार जित
फोटोहरु – रमन शिवाकोटी ( नेपाल क्रिकेट टिम ब्यबस्थापक )
