भारतको श्रीलंका भ्रमण अन्तर्गत तिन खेलको टि-२० अन्तर्राष्ट्रियको सिरिज अन्तर्गत पहिलो खेल कोलोम्बोको आर प्रेमदाशा स्टेडियममा सुरु भएको छ।
खेलमा टस हारेर ब्याटिंग गरेको भारतले निर्धारित २० ओभरमा ५ विकेट क्षेतीमा १६४ रन बनाउदै भारतलाई १६५ रनको लक्ष्य प्रस्तुत गरेको छ।
टि-२० अन्तर्राष्ट्रिय डेब्यु गरेका ओपनर पृथ्वी श पहिलो बलमै दुश्मन्था चमिराबाट क्याच आउट भएपछि दोश्रो विकेटको लागि कप्तान शिखर धवनले संजु स्यामसनसंग ५१ रन जोडे। २० बलमा २ चौका र १ छक्का मद्दतले २७ रन बनाएका स्यामसनलाई वानिन्दु हसरंगाले एलबिडब्लु आउट गराए। धवनले तेश्रो विकेटको लागि सूर्यकुमार यादवसंग ६२ रन जोडे।
FIFTY for SKY! 👏 👏
His 2⃣nd half-century in T20Is. 👍 👍 #TeamIndia #SLvIND
Follow the match 👉 https://t.co/GGk4rj2ror pic.twitter.com/wa4GS4QnBi
— BCCI (@BCCI) July 25, 2021
धवनले १५ औं ओभरमा चमिका करुनारत्नेबाट क्याच आउट हुनु अघि ४६ रन बनाए जुन क्रममा ३६ बलमा ४ चौका र १ छक्का प्रहार गरे। करियरको दोश्रो अर्धशतक पुरा गरेपछि यादव १६ औं ओभरमा हसरंगाबाट क्याच आउट भए। त्यस अघि यादवले ३४ बलमा ५ चौका र २ छक्का मद्दतले ५० रन बनाए। त्यसपछि हार्दिक पान्ड्या मात्र १० रन बनाएर चमिराबाट क्याच आउट भए। त्यसपछि इशान किशनले एक किनार सम्हाल्दै अविजित २० रन बनाए जुन क्रममा १४ बलमा १ चौका र १ छक्का प्रहार गरे।
इनिंग्सको अन्तिम ५ ओभरमा भारतले २ विकेट क्षेतीमा ४३ रन बनायो।
श्रीलंकाको बलिंगमा दुश्मन्था चमिरा ( ४-०-२४-२ ) र वानिन्दु हसरंगा ( ४-०-२८-२ ) ले समान २ विकेट लिए भने चमिका करुनारत्नेले १ विकेट लिए।