भारतमा जारि १४ औं आईपीएल अन्तर्गत २६ औं खेलमा पन्जाब किंग्स र रोयल च्यालेन्जर्स बैंगलोर प्रतिस्पर्धा गरिरहेका छन्।
नरेन्द्र मोदी स्टेडियम, अहमदावादमा जारी खेलमा टस हारेर ब्याटिंग गरेको पन्जाबले निर्धारित २० ओभरमा ५ विकेट क्षेतीमा १७९ रन बनाउदै बैंगलोरलाई १८० रनको लक्ष्य प्रस्तुत गरेको छ।
मायाँक अग्रवाल फिट नभएपछि ओपनिंग गरेका प्रभसिमरन सिंह ७ रन बनाएर चौथो ओभरमा कायल जेमीसनबाट क्याच आउट भए।
दोश्रो विकेटको लागि कप्तान केएल राहुल र क्रिस गेलले ८० रनको साझेदारी गरे। मात्र २४ बलमा ६ चौका र २ छक्का प्रहार गर्दै ४६ रन बनाएका गेललाई एघारौं ओभरमा ड्यानियल स्याम्सले एबि डी भिल्लीयर्सबाट क्याच आउट गराए।
गेलको विकेटपछि राहुलले एक किनार सम्हालेता पनि अर्को किनारमा पन्जाबले लगातार विकेट गुमाउन पुग्यो। निकोलस पुरन र शाहरुख खान खाता नखोली जेमीसन र चहलबाट तथा ५ रन बनाएर दिपक हुडा शाहबाज एहमदबाट आउट भए। फलस्वरुप पन्जाब ९९/१ को अवस्थाबाट ११८/५ को अवस्थामा पुग्यो।
त्यसपछि राहुललाई सातौँ नम्बरमा आएका हरप्रित ब्रारले साथ दिए र टिमको योगफल १५० पार गराए। दुवैले छैठौं विकेटको लागि ३२ बलमा ६१ रनको साझेदारी गरे। अन्तिम ५ ओभरमा पन्जाबले विकेट नगुमाई ६० रन बनायो।
केएल राहुलले अविजित ९१ रन बनाए जुन क्रममा ५७ बलमा ७ चौका र ५ छक्का प्रहार गरे। हरप्रित ब्रारले १७ बलमा १ चौका र २ छक्का प्रहार गरे २५ रन बन्याए।
बैंगलोरको बलिंगमा कायल जेमिसनले २ विकेट ( ३-०-३२-२ ) लिए भने ड्यानीयल स्याम्स ( ४-०-२४-१ ) , युजभेन्द्र चहल ( ४-०-३४-१ ) र शाहबाज एहमद ( २-०-११-१ ) ले समान १ विकेट लिए।
लिग अंकतालिकामा बैंगलोर ६ खेलमा ५ जित र १ हार पछि १० अंक सहित दोश्रो स्थानमा रहेको छ। आजको जितले बैंगलोर शिर्षस्थानमा उक्लनेछ। ६ खेलमा २ जित र ४ हार पछि ४ अंक बटुलेको पन्जाब छैठौं स्थानमा छ।
धेरैले पढेको
https://wicketnepal.com/jamieson-denied-to-bowl-kohli-in-rcb-nets/
https://wicketnepal.com/ekai-over-ma-6-fours-pit-tips-wn21/
https://wicketnepal.com/sunam-brisbane-p-l-chanot-wn21/