- विकेटनेपाल, माघ ४ – बिहिबार
नेपालमा पहिलो पटक आयोजना हुन लागेको ‘ग्राण्ड क्रिकेट कार्निभल’ अर्थात ‘क्रिकेटको मेला’ को तयारि पुरा भएको छ । माघ ५ र ६ गते मदन भण्डारी स्पोर्ट्स एकेडेमीको आयोजनामा ‘ग्राण्ड क्रिकेट कार्निभल’ को आयोजना हुँदै छ ।
त्रिभुवन अन्तर्राष्ट्रिय क्रिकेट मैदान कीर्तिपुरमा हुने कार्निभलमा क्रिकेट सम्बन्धित बिभिन्न जानकारीमुलक तथा मनोरन्जनात्मक गतिविधिहरु एकै ठाउँमा आयोजना हुनेछन्।
माघ ५ गते बिहान १० बजे रास्ट्रपति बिद्यादेबी भण्डारीले उद्घाटन गर्दै सुरुहुने कार्यक्रममा १०:३० बजे देखि नेपाली क्रिकेट यसका सम्भावना र चुनौती बिषयमा सेमिनार आयोजना हुनेछ भने कार्यक्रमको उद्घाटन समारोहमा क्रिकेट क्षेत्रमा महत्वपूर्ण योगदान पुर्याउने एक जनालाई मदन भण्डारी क्रिकेट सम्मान प्रदान गरिनेछ। यो सम्मान प्रत्येक बर्ष प्रदान गरिने बुधबार आयोजित पत्रकार सम्मेलनमा एकेडेमीका अध्यक्ष बिनोद श्रेष्ठले जानकारी गराएका छन् ।
त्यस्तै कार्यक्रममा ट्यालेन्ट हन्टको पनि आयोजना गरिने छ जसबाट उत्कृस्ट हुने १० जनालाई निशुल्क प्रशिक्षण, विभिन्न प्रतियोगितामा सहभागिता तथा खेलसामग्री प्रदान गरिने छ ।
साथै क्रिकेट सामग्री बिक्रि, क्रिकेट फोटो प्रदर्शनी, क्रिकेटकै वृत्तचित्र प्रदर्शनी, क्रिकेट सम्बन्धित फन गेम तथा बिभिन्न क्षेत्रका ब्यक्तिहरु बीच मैत्रीपूर्ण क्रिकेट, सम्मान वितरण, सांगीतिक कन्सर्ट लगायतका गतिविधिहरु हुने आयोजकले बताएका छन् ।
कार्निभललाई ५० हजार जनाले अवलोकन गराउने लक्ष्य लिएको एकेडेमीका क्रिकेट बिभागका संयोजक सुदिप शर्माले बताएका छन्।
के के हुनेछ कार्निभलमा ?
१. रास्ट्रिय खेलाडी, राजनिति कर्मी, कलाकार, पत्रकार, ब्यापारीहरु बीच प्रदर्शनी खेल
२. मदन भण्डारी क्रिकेट सम्मान
३. प्रतिभाको खोजि ( ट्यालेन्ट हन्ट )
४. क्रिकेट सम्बन्धि फोटो प्रदर्शनी
५. क्रिकेट सम्बन्धि वृतचित प्रदर्शनी
६. नेपाली क्रिकेटको बिगत, वर्तमान र भबिष्य बिषयक सेमिनार
७. नेपाली चर्चित कलाकारहरुबाट सांगीतिक कन्सर्ट
८. क्रिकेट सम्बन्धि बिभिन्न मनोरन्जनात्मक खेलहरु
सम्बन्धित:
नेपालमै पहिलो पटक ‘क्रिकेटको मेला’ लाग्ने , यस्ता छन् आकर्षण
